Heahttá - Bállás-johtolaga bálvalusat

Juhkančáhci

Johtolaga goappánai geaži luondduguovddá-žiin, Heahtás Duottar-Sámi luondduguovddážis ja Bállásis Bállásduoddara luondduguovddážis, oažžu juhkačázi.
Juohke stobus ja dolastallanbáikkis lea čáhcebáiki.
Čáhci lea dábálaččat dohkálaš juhkamii oba guovllus. Luonddučáziid atnu lea goitge juohkehačča iežas ovddasvástádus. Stobuid láhkosiin juhkačázi gánnáha viežžat čujuhuvvon čáhcebáikkis. Bivvaliid áigge čázi gánnáha vuoššat.

Johtolaga guoras golmma stobus, Bassičearus, Hánno- ja Nammalguras lea ekobáiki.
Maŋit áiggiid álbmotmeahcis vigget ribahis vánddardeapmái. Dalle vánddardeddjiid vurdet buktit ieža iežaset bázahusaid eret meahcis.
Vánddardeapmi, mii duohččá birrasa

Juohke stobus sihke Suvasgura ja Rihmakuru dolastallanbáikkiin leat válmmasin luddejun boaldenmuorat.
Boaldenmuorrafuolahus fuolahuvvo dálvviid mohtorgielkkáiguin.

Bázahus- ja boaldenmuorrafuolahusa ovddasvástádus lea Meahciráđđehusas, Davvi-Sámi luonddubálvalusaid bakte. Lassidieđuid oažžu Bállásduoddara luondduguovddážis, tel. 0205 64 7930, ja Duottar-Sámi luondduguovddážis, tel. 0205 64 7950.

Juohke stobus sihke Suvasgura ja Rihmakuru dolastallanbáikkiin leat olgohivssegat.

Hánnogura ávdin- ja várrehusstobu lahkosiin lea sávdnji. Sávdnji máksu lea 7 e / rávesolmmoš, 4 e / mánná (vuollel 7j) dehe jovkui gullevaš (joavku lea > 10 olbmo). Máksit sáhttá ovddalgihtii Bállás-Ylläsduoddara álbmotmeahci luondduguovddážiidda dehe mobiilalohpin nu ahte čuojaha
- nummárii 06060 56 1439 (7 e máksu) dehe
- nummárii 06060 56 1440 (4 e máksu).
- Okta telefuvdna vástida álohii ovtta 7 e dehe 4 e ruhtamávssu.

Johtolagas dealttástallan lea lobálaš stobuid ja dolastallanbáikkiid olis.
Dasa lassin dealttástallat sáhttá Suvasgura ja Rihmakuru gođiid lahkosiin.
Suvasgura goahti lea Hánnogura ja Montella stobuid gaskkas. Hánnoguras lea goahtái mátki 5 km ja Montellas 7 km.
Rihmakuru goahti lea Nammalgura ja Bállásduoddara luondduguovddáža gaskkas. Nammalguras lea goahtái mátki 3 km ja Bállásis 10 km.

Bassičearu beaivestohpu lea Heahttá-Bállás-johtolaga guoras 7 km Heahtás ja 48 km Bállásis. Beaivestobu bálddas Bassičearu bálvalanstohpu, mas doaibmá dábálaččat giđa sesoŋŋaáigge gáffestohpu.
Sioskuru ávdin- ja várrehusstohpu lea Siosjoga guoras, Heahttá - Bállás-johtolaga mielde 15 km Heahtás ja 40 km Bállásis.
Tappuri ávdinstohpu lea s. kilomettara Heahttá - Bállás-johtolagas nuorttas, Ketomella johtolaga ja Marastatjoga guoras. Heahtás stohpui lea mátki 20 km ja Bállásis 36 km.
Pahakuru ávdinstohpu lea Heahttá - Bállás-johtolaga guoras 26 km Heahtás ja 29 km Bállásis.
Hánnogura ávdin- ja várrehusstohpu lea Heahttá - Bállás -johtolaga guoras 28 km Heahtás ja 27 km Bállásis. Stobu lahkosiin lea sávdnji, mii lea lupmosit buot vánddardeddjiid anus.
Montella ávdinstohpu lea Heahttá - Bállás-johtolaga guoras 40 km Heahtás ja 15 km Bállásis. Stobus suorrána bálggis Vuontispirttii.
Nammalgura ávdin- ja várrehusstohpu lea Heahttá - Bállás-johtolaga guoras Eanodaga ja Muonio suohkaniid ráje nalde. Heahtás stohpui lea mátki 42 km ja Bállásis 13 km. Turismma sesoŋŋaáiggiid Nammalgura bálvalangoađis doaibmá gáffestohpu.

Biilasirdinbálvalusat Heahtá ja Bállása gaskkas sihke fanasfievrrideamit Ovnnesjávrri rastá.
Bovdejuvvondákset Gihttela ja Eanodaga girdišiljuin stuorit guovddážiidda.
Lagasguovllu giliin gávdnojit olu láigobarttat, gohttenbáikkit, hoteallat, eanandoalloturismabálvalusat, restauráŋŋat, gáffestobut, gávppit, spesiálagávppit ja eará bálvalusat. Lassidieđuid oažžu Eanodaga (www.enontekio.fi, suomagillii), Gihttela (www.kittila.fi, suomagillii) ja Muoná (www.muonio.fi, suomagillii) suohkaniid fierbmesiidduin.