Bielbajávrri meahccegirku
Davvi-Lappi
Anár (www.inari.fi)
Anára vánddardanguovlu
Bielbajávrri meahccegirku dikšumis vástida Anára searvegoddi ja girku vánddardanrusttegiid dikšu Meahciráđđehus.
Bielbajávri lea Anára boares guovddášbáiki. Meahccás jávrri gáttis lei dolin Anára dálvesiida, gosa olbmot čoahkkanedje dálvái ássat. Dálvesiidda oktavuhtii huksejuvvon meahccegirku jagis 1760 lea okta Davvi-Lappi boarráseamos visttiin. Rukseslágan girku ceaggá juovas ja dan birra šaddet čáppa soagit. Girkogiettis lea luondduniitu.
Bielbajávrri muoras huksejuvvon meahccegirku lea nubbi girku dákko. Ovddit girku gárvvásmuvai 1646:s, ja dat lea ollásit jávkan. Dálvesiiddasge eai leat báhcán go eanaiduvvan bázahusat soames visttis. Bielbajávrri meahccegirku oktan birrasiiguin lea riikkadásis mearkkašahtti kulturhistorjjálaš biras. Dat lea juogustuvvon maiddái eanagottidásis divrras duovddaguovlun.
Rabasáiggit
- Bielbajávrri meahccegirkui sáhttá oahpásmuvvat birra jagi.
- Bielbajávrri meahccegirkus lea geasi áigge oahpisteaddji Anára searvegottis.
- Girkui sáhttá oahpásmuvvat nuvttá.
Oktavuođadieđut
- Lassedieđuid meahccegirkus fidne Davvi-Sámi luondduguovddáš Siiddas ja Avvila bálvalanbáikkis.
Johtinoktavuođat ja kárttat
- Bielbajávrri meahccegirku johtinoktavuođain lea muitaluvvon Anára vánddardanguovllu siidduin.
- Girkui rohtte bálggis Sarviniementie parkerensajis, mii lea golmma kilomehtera duohken Davvi-Sámi luondduguovddáš Siiddas das nuorttasdavás. Bálgá vuolginsajis girku lusa lea váile vihtta kilomehtera vázzit. Johtolaga gaskkamuttus lea dolastallanbáiki. Dihkkáduvvon johtolat manná fiinna boares álgovuovddi čađa meahcceláddožiid ja jávrriid guora.
Elektrovnnalaš kárttat
- Meahciráđđehusa Retkikartta.fi (suomagillii)
- Anára vánddardanguovllu kárta
Bálvalusat
- Bielbajávrri meahccegirkui sáhttá iešráđálaččat oahpásmuvvat.
- Guovllus leat beaivestohpu ja dolastallanbáiki.
- Bielbajávrái manni johtolaga gaskkamuttus lea orustanbáiki.
Lihkadanlápmásiid bálvalusat
- Guovllus eai leat bálvalusat lihkadanlápmásiidda.