Bievrrašjávrri meahcceguovlu

Davvi-Lappi
Eanodat (www.enontekio.fi, suomagillii)
Viidodat 1280 km² , vuođđuduvvon 1991
Guovllu dikšu Meahciráđđehus.

Bievrrašjávrri meahcceguovlu lea hárjánan ja bures ráhkkanan vánddardeaddji vánddardančuozáhat. Meahcci lea nammaduvvon guovllu davvioasis Bievrrašjávrres, man davábealde badjánit sáddočastasat ja guovllu buolžžat báhcet sihkkarit johtti millii. Njoidosit alláneaddji duottar- ja vuovdeeatnamat leat earenoamáš buorit vánddardaneatnamat, muhto stuora jeaggeeatnamiid lea goit buoremus garvit.

Bievrrašjávrri meahcceguovllus eai leat merkejuvvon vánddardanjohtolagat, muhto guovllus leat valjis boares merkekeahtes geinnodagat, daningo guovlu lea árbevirolaččat leamaš báikegottálaččaide dehálaš guolle-, meahccebivdo- ja boazodoalloguovlu. Meahcceguovllus leat Galggojávrre ja Bievrrašjávrri sami siiddat, main orrojuvvo velnai muhtin áigi jagis.

Vázzima lassin Bievrrašjávrri meahcceguovllus leat buorit vejolašvuođat kanohttasuhkamii, guolásteapmái ja meahccesihkkelastimii. Stuorimus jogat Bievrrašjohka ja Geahkkil fállaba buriid gáibádusaid sihke melluide ja guollebivdiide. Bievrrašjávrri meahci birastahttet máŋggat suodjalanguovllut. Guovllu lulábealde lea Sárávuomi-Guoskkisábi jekkiidsuodjalanguovlu ja nuorttas-nuorttaslulás leavvaba Buljju meahcceguovlu ja Leammi álbmotmeahcci. Norggas, Bievrrašjávrri meahcceguovllus davás-nuorttasdavás lea Badje-Anárjoga álbmotmeahcci (www.miljodirektoratet.no, dárogillii). Bievrrašjávrri meahcceguovllu siste lea Bievrrašvuomi jekkiidsuodjalanguovlu

Dán siiddu čujuhus lea www.lundui.fi/bievrrasjavri