Kellokasa luonddu- ja kulturčájáhus

Oktasašbargu Rádjeeanu rastá Ylläsis Bájilii

Luondduguovddáš Kellokas Kolari Äkäslompolo gilis buktá ovdan báikkálaš luonddu ja kultuvrra. Kultuvrra gárggiideapmi lea álohii leamaš čatnagasas guovllu luonddudiliide ja dan addin vejolašvuođaide. Duot luonddu ja kultuvrra gaskavuohta lea Kellokasa čájáhusa vuođđofáddá. Čájáhusa dáfus sávvojuvvo, ahte dat buvttada hutkkiid olbmo sorjjasvuođas lundui, ja ahte geahččit heivehit daid maid iežaset eallinbirradagas.

Luondduguovddáža čájáhus lea stáhtarájiid rasttildeaddji oktasašbarggu boađus. Kellokasa ođđa čájáhusat muitalit muitalusa Bállás-Ylläsduoddara álbmotmeahci guora giliin, duottarrávnnjiin, Rádjeeanu dehege Duortnus-Muonioeanu luonddus ja kultuvrras sihke Rádjeeanus, eallinrávnnjis, man birra olbmo eallin lea nannosit vuogáiduvvan. Rádjeeatnu lea leamaš johtingeaidnu ja guovllu ovttastahtti suotna, mas máŋggabeallásaš kultuvra lea gárggiidan mihtilmassan. Kultuvrra riggodat vuhtto earenoamážit ivdnás ja ealli meängielas, mii geavahuvvo Rádjeeanu goabbat bealde. Dálá áigge dajaldagaidis dáfus rikkis giella adnojuvvo árvvus ja dan geavahusa doarjumii biddjojuvvojit olu searat.

Čájáhusa arkitektuvrra ja grafihka ovddasvástideaddji lea leamaš helssetlaš Aktiteaktadoaimmahat Kari Kuosma. Čájáhusplánema kultuvrra oasi ovttasvástideaddji lea leamaš FM Darja Heikkilä, luondduoasi giehtačállosa ovddasvástideaddji lea leamaš FM Juha Paso sihke grafihka ja govuheami ollašuhttimis DáM Venla Väisänen. Čájáhusa AV-ovdanbuktimiid lea plánen ja ollašuhttan DocArt Production Ky ja Rapid River Ky. Čájáhusfidnu lea koordineren spesiálaplánejeaddji Maarit Kyöstilä.

Luonddu- ja kulturčájáhusprošeavtta hálddaša Meahciráđđehusa Sámi luonddubálvalusaid Duottar-Sámi meahcceguovlu. Prošeavtta golut ledje 400 000 €. Ruhtadeaddjin ledje Eurohpa Uniovnna Guovllugárgehanfoandda Interreg III A Davvi -pográmma, Sámi leanaráđđehus, Sámi birasguovddáš, Kolari gielda, Bájila gielda (www.pajala.se), birasministeriija ja Meahciráđđehus.