Čeavetjávri-Buolbmátjávri -johtolat

Davvi-Lappi
Anár (www.inari.fi), Ohcejohka (www.utsjoki.fi)
Gálddoaivvi meahcceguovlu, Čeavetjávrri-Njávdáma guovlu

Čeavetjávri-Buolbmátjávri -vánddardanjohtolat manná stuorra Gálddoaivvi meahcceguovllu čađa. Johtolaga guhkkodat lea 60 - 70 km dan mielde guđe johtolaga mielde johtá. Máttageahčen johtolat manná vel beahceguolbaniid mielde, muhto davásguvlui manadettiin duottarbadjosat guorbagohtet, nu ahte váldomuorran lea lageš. Johtolat lea merkejuvvon oránšageažat muorračuolddaiguin.

Geassemánu álggogeahčen muohta lea juo eanaš suddan meahcceguovllus, muhto jogat ja ádjagat leat vel dulvvis suddančáziid dihte. Vuohkkaseamos vánddardanáigi lea mihcamárain golggotmánu álggogeahčai.

Dálvejohtolat

Čeavetjávrri ja Buolbmága gaskkas manná maiddái dálvejohtolat, man guhkkodat lea sullii 70 km. Johtolat lea merkejuvvon meahccái rukses vinjuruossačuolddaiguin.

Dálvejohtolat lea oaivvilduvvon čuoigiide, ii vuojáhatlobi lotnon mohtorgielkkástalliid atnui. Mohtorgielkkástalliid várás Čeavetjávrri ja Njuorggáma gaskkas lea vuojáhat, mii lea merkejuvvon meahccái rukses vinjuruossačuolddaiguin. Dálvejohtolat ja mohtorgielkávuojáhat mannet seamma saji gitta Hahpatjávrái (Hoppoogjävri, anárašgillii), gos dat earránit ja ovttastuvvet fas Čárajávrris.

Dálvejohtolat manná eará saji go geassejohtolat: dálvejohtolat manná vuollegis eatnamiid mielde, dego jekkiid ja jávriid mielde. Dálvejohtolat ii rievtti mielde bajásdollojuvvo, muhto johtolaga geavahit Meahciráđđehusa fuolahanalbmát, rádjefávttat ja báikkálaš badjeolbmot, go johtalit guovllus bargguineaset mohtorgielkkáiguin. Vánddardeaddji nappo oažžu ráhkkanit čuoigat obbasis goittot álgodálvvis ja borggaid maŋŋá.

Dán siiddu čujuhus lea www.lundui.fi/ceavetjavribuolbmatjavri