Čeavetjávrri-Njávdáma guovlu

  • Govva: Sampo Parkkonen
  • Govva: Sampo Parkkonen

Čeavetjávrri - Njávdáma guovllu sajádat Suomas.Davvi-Lappi
Anár (www.inari.fi)
Guovllu dikšu Meahciráđđehus.

 

Čeavetjávrri-Njávdáma guovlu lea Suoma jávrámus guovlu. Čeavetjávri ja Garitjávri (Kaareehjävri, anárašgillii) ja máŋggat mohkkás smávva čázádagat hervejit dáid meahcceguovllulágan birrasiid. Guovllu jávrrit leat dábálaččat čiekŋalat: Állejávri (Äälisjävri, anárašgillii) lea davágeahčen juoba 60 mehtera čieŋu. Guovllus leat molsašuddi láhkai seahkalasvuovddit, beahceguolbanat, mat haksojit gáhččái, suhkkes lagešvuovddit ja jalges duottar. Vainnasoaivi (Vannjiikeessimuáivi, anárašgillii) (268 m) ja Ullovárri (Ullovääri, anárašgillii) leat buot alimus duoddarat.

Guovlu heive beaivvi mátkkiide dahje moanaid jándoriid vánddardemiide. Vaikko geaidnu lea lahka ja geaidnoguoras lea soames ássanvisti, de guovlu lea meahcceguovllulágan. Čeavetjávrri-Njávdáma guovlu gullá Anára gieldda nuorttageaže nuortalašguvlui.

Dán siiddu čujuhus lea www.lundui.fi/ceavetjavrinjavdan