Giehttaruohttasa dábáleamos gažaldagat

Galggango mun máhccat seamma geinnodaga ruoktot Háldis vai leatgo eará geinnodatmolssaeavttut?

  • Ridničohka meahccebuollinfávtta visti. Govva: Martti RikkonenJos háliidat johtit dušše merkejuvvon geinnodagaid mielde, de šattat máhccat seamma geinnodaga go man bohtetnai dehege Kalohttageinnodaga mielde.
  • Háldis sáhtát joatkit mátkki miilla geahčái Guolasjávrái Norgga beallái, gosa lea luoddaoktavuohta. Háldi - Guolasjávri -gaskkas ii leat dihkkáduvvon geinnodat nu ahte gánnáha váldit mielde kompássa ja háhkat Norgga gárta Ráisduottarháldi 1:50 000. Gaska Guolasjávrres Háldái lea hui juovvái ja heittot, iige dat ávžžuhuvvo hárjánmeahttun vánddardeddjiide.
  • Guolasjávrres lea mátki Gilbbesjávrái sulaid 120 km. Gilbbesjávrri ja Ivgubađa gaskkas johtala gesiid linnjabiila, muhto Guolasjávrri rádjái ii leat almmolaš johtolatoktavuohta nu ahte don fertet oažžut soapmása viežžat iežat Guolasjávrres dehe buktit iežat dohko.
  • Kalohttageinnodahkii beasat maid Loassojávrre bakte. Mátki Norgga beale eatnanluottas Loassojávrri stohpui lea 11 km ja stobus lea sulaid 12 km Kalohttageinnodahkii. Dát gaska ii leat dihkkáduvvon eatnamii. Gánnáha váldit mielde kompássa ja Norgga gárta Básevuovdi (Helligskogen 1:50 000).

Maid lobiid dárbbahan go guolástan Giehtaruohttasa meahcceguovllus?

  • Giehtaruohttasa meahcceguovllus sáhttá geasset oaggut ja dálvet oaggut jieŋa nalde juohkeolbmo vuoigatvuođain (www.ymparisto.fi, suomagillii), ja dalle eai dárbbašuvvo lobit. Doskaljávrres, Luohtojávrres, Bearajávrrážiin ja Čuolbmajávrres jieŋa nalde oaggumii ja oaggumii dárbbahat Giehtaruohtas 1551-lobi (www.eräluvat.fi, suomagillii). Muittáthan, ahte rávdnječáziin sihke oaggun jieŋa nalde ja oaggun ii leat lobálaš.
  • Go guolástat guovllu olu johkačáziin dus galgá leat máksojuvvon stáhta guolástandikšunmáksu (www.mmm.fi, suomagillii) sihke Giehtaruohtas 1551-lohpi. Leahttáseanus guolástettiin dárbbahat Leahttáseanu guolástanguovllu lobi 1550.

Sáhtángo vuodjit Háldis mohtorgielkkáin?

  • Meahciráđđehusa bajásdoallan mohtorgielkámáđidja manná Heahtás Gilbbesjávrái iige Háldái leat vástideaddji lohpi. It nappo sáhte vuoddját Háldái, vaikko dus livččii mohtorgielkámáđidjalohpi, mii lea vuoimmis.
  • Sáhtát oassálastit turismafitnodatolbmuid ordnen Háldi mohtorgielkásafáraidda.