Ohcejoga guovllu dábáleamos gažaldagat

Mat lobiid Ohcejoga guovllus guolásteapmái dárbbašuvvojit?

  • Olgobáikegoddelaš oažžu guolástit Deanus 1.6. - 20.8. Deanus guolásteaddji galgá máksit guolástandikšun-
    mávssu     (www.mmm.fi, suomagillii) ja oastit Deanu guolástanlobi, man vuvdet moanat turismafitnodatolbmot ja Uulan Säästö. Guolástanlobi vuovdinbáikkiin ja Ohcejoga luonddustobus fidne lassedieđuid Deanu guolástannjuolggadussii gullevaš eará mearrádusain.
  • Ohcejoga guolástanguovllu lohpi nr 1574 (www.eräluvat.fi, suomagillii) gokčá stuorra oasi ája-, johka- ja jávrečáziin Ohcejoga gieldda siste. Ieš Ohcejogas guolásteapmái dárbbašuvvo goittotge sierra Ohcejoga lohpi. Dáid lobiid sáhttá oastit ee. Ohcejoga luonddustobus. Guolástanlobiid lassin galgá máksit guolástandikšunmávssu.
Deatnu. Govva: Martti Rikkonen

Makkár formalitehtaiguin Norgga rádji rasttilduvvo?

  • Schengen-soahpamuša vuolláičállán riikkaid riikkavuložat ožžot rasttildit Suoma ja Norgga gaskasaš ráji gokko ihkinassii, go beare ii leat mielde tuolluvuloš gálvu. Johtti galgá sáhttit duođaštit iežas identitehta ja riikkavulošvuođa. Beatnagiin johtti galgá váldit ovddalgihtii oktavuođa šibitdoaktárii, dasgo Norgga bealde gáibidit earret eará beatnaga dovddaldatmerkema, biebmoeallipássa ja duođaštusa rabiesa vuosteávnnasdoalus varas. Loga lasi ealliid doalvumis ja buktimis (www.evira.fi, suomagillii).