Pyhä-Luosto dábáleamos gažaldagat

Manin Pyhä-Luostos lea olu ránes geađgi?

Baseduoddara báktevuođđu lea kvarcihta, mii lea earenoamáš garra geađgešládja. Kvarcihta lea báhcán, go dipmásut geađgešlájat leat áiggiid mielde gollan eret. Garraseamosge geađgi moallana čázi fámus, mii bohtana jieŋodettiin. Go báktái boahtá smávvage luoddaneapmi, masa čoggo čáhci, de bákti luoddana dálvit čázi jieŋodettiin. Dán albmoneami gohčodit buolašmollaneapmin. Mollaneapmi ovdána jagis jahkái.   

Leatgo Pyhä-Luostos guovžžat? 

Guovžžat ásset Pyhä guovllus. Guovllu guovžžat leat hirrasat olbmuide, ja hárve leat guovžžaid oaidnináicamat. Vánddardanmáđijain sáhttáge lihkadit dorvvolaš mielain, go guovžžaide gal lea doarvái sadji luonddus. 

Mas boahtá namma Baseduottar?

Guovllus dolin ássán vuovdesápmelaččat jáhkke, ahte earenoamáš ja čalbmáičuohcci báikkiin ásse ipmilat. Go Baseduoddara várreráidu oidno guhkas ja lea čalbmáičuohcci rámššas ja guorba, de vuovdesámit nammadedje várreráiddu bassin. Baseduottar lea dalle dološ sieidi dahjege ipmiliid ássanbáiki.   

Maid oaivvilda Luosto ja Oarrečohkka? 

Muhtun dulkomiin luosto boahtá sániin luostâg (anárašgiella) dahje luosttat (davvisámegiella) mat guktot oaivvildit čuvgessárgát bohcco.
Oarrečohkka lea davvisámegiella ja das boahtá suomagielat namma Orresokka. Nubbi dulkojupmi lea ahte orre-sátni lea ruoŧagiella oaivvilda hurri. Ruoŧŧelaš nammaheiveheapmi govve bures guovllu lottiid, muhto sámegielat namma leš goittotge álgovuđolaš namma.

Sáhttágo beatnaga váldit mielde vánddardanreaissuide? 

Sáhttá, muhto dan ferte álbmotmeahci guovllus doallat oppa áigge gitta. Pyhä-Luosto álbmotmeahci ávdin- ja beaivestobuide ii beatnagiid oaččo doalvut. Čana beatnaga doarvái guhkes mátkki duohkái stobu sisamanahagas, amas dat ii hehtte/baldde eará johttiid. Beatnagiid vuojadeapmi Karhunjuomalampi, Guovžžačuohkánláddos lea gildojuvvon.