Geavu dábáleamos gažaldagat

Govva: Helifoto Oy Goappá geažis vánddardeami gánneha álggahit ?

63 km:a guhkkosaš vánddardeami sáhttá álggahit Ganešjávrris (Ohcejohka - Gámas-geaidnu, E75) dahje Suttesjogas (Gáregasnjárga - Gámas-geaidnu, nr 92). Go vuolgá Suttesjogas, de Geavu kanjona oidno duovdagiid dáfus ceakkusin ja áibmadassan.

Mo Geavus sáhttá idjadit ?

Geavu bálgá vázzimii galgá vealtameahttumit váldit iežas tealttá fárrui. Gohttema várás leat bálgá gurrii huksejuvvon

fuolahuvvon tealtábáikkit. Dolastallan ja gohtten lea lobálaš dušše merkejuvvon báikkiin. Geavu luonddumeahcis lea Guivvi ávdinstohpu sihke riekkesbálgá guoras Ruktajávrri ja Njávgoaivvi ávdinstobut.

Sáhttágo Geavu luonddumeahcis guolástit ?

Guolásteapmi luonddumeahcis lea gildojuvvon.

Oažžugo Geavu luonddumeahcis murjet ?

Murjen luonddumeahcis lea gildojuvvon.

Čázádaga rasttildeapmi ?

Jogaid gártá bálgá alde rasttildit gállimiin máŋgii. Dorvun leat huksejuvvon vaijerat. Gállima álkidahttit gánneha váldit kummevuđot gállingápmagiid fárrui.