Mallá dábáleamos gažaldagat

Goas muohta suddá Gilbbesjávrres?

Jagiid mielde giđa boahtin molsašuddá. Muhtin jagiid čuoigansiivvut Gilbbesjávrre lahkosiin nohket juo válbora sulaid. Badjosiin duoddaris sáhttá dábálaččat čuoiggadit mihá guhkit. Miessemánu 22. beaivve sulaid álgá ijahis idja.

Geassemánu loahpas Mallá bálgá mielde beassá juo johtit ja bálgá guoras sáhttá oiddošit vuosttaš duottarrásiid. Gilbbesjávrres jieŋat vulget maŋimusat mihcamáraid.

Man rádjái vánddardanáigodat bistá čakčat?

Ruški lea dávjá meaddel čakčamánu loahpageahčen. Golggotmánu loahpas dávjá dálvá. Muhtimin albma ládje muohttá easka jahkemolsuma maŋŋel. Gilbbesjávri jiekŋu skábmamánu mielde, muhto jiekŋa gierdá sihkkarepmosit easka jahkejorggáldagas. Skábma lea bárisin juovlamánus ja dalle čuovga bistá dušše moatti diibmui. Skápma earenoamáš čuovga ferge muohtaduovdaga dego suoivaniid dáiddaduodjin. Eahkeda ja ija čuvgejit mánnu, násttit ja guovssahasat.