Njellima dábáleamos gažaldagat

Leatgo guovllus guovžžat?

Leat, muhto dušše hárve leat lihkostuvvan oaidnit daid. Árgges guovža garvá  (www.suurpedot.fi, suomagillii) olbmuid.

Mas Čáhkalakkisvári (anárašg. Čáháligvääri) namma boahtá?

Njellima gili davvenuortan suomagillii gohčoduvvon Apinavaara (jorg. Ábegáhttovárri) imaštuhttá máŋgasiid. Dovddus Sámi dutki T. I. Itkonen (1891 - 1968) muitala nama fearána Lapinmatkani – girjjistis (1991).

Vári namma anárašgilli lea Čáháligvääri, man duohken lea muitalus Čáhkalakkis (anárašg. čáhálig) nammasaš háldis, mii lea olggosoaidnit dego álás unna mánáš ja dat orru bávtti siste. Dán háldi sáhtii dájuhit eatnama ala nu ahte bidjá goikkeha báktesálvui, gosa de sáhkkes bákteháldi manná čuččodit. Go Čáhkalakkis lea mannan goikkehii, loktejuvvo goikket eatnamii. Čáhkalaggásis sáhttá sihtat silbaruđaid ovdalgo dan luoitá vulos.

Sápmái boahtán suopmelaččat eai ádden dán Deanu guovllusge dovddus muitalusa riekta ja áddejedje ahte čáhkalakkis lea ábegáhttu. Nu bákteháldivárri šattai Ábegáhttovárrin.