Nuuksio luondu

Maid sátni Nuuksio máksá?

Sátni Nuuksio muittuha sámegielat sáni njukča. Nuuksio ruoŧagielat namma Noux vuođđun lea 1500-logus ovtta giláža namma. Nama eará hámit leat leamaš ee. Noox, Noosis, Nouxby, Nuuks ja Nuoksi. Nuuksio guovllu namma ii leat originála, muhto boahtá 1930-logus. Dalle suomamielat álbmotskuvlaoahpaheaddji hutkkai suomagielat nama, Nuuksio.

Nuuksio luondu. Govva: Eero J. Laamanen / Kuvatoimisto Vastavalo

Sáhttágo Nuuksios oaidnit girdiorriid?

Mearkkaid girdioarris gánneha ozadit ovdamearkka dihte Nahkiaispolku guoras. Loga eambbo girdioarris.

Gávdnojitgo álbmotmeahccái merkejuvvon dolastallansajiid oktavuođas boaldenmuorat dolastallamii?

Dolastallamii várrejuvvon boaldinmuorat gávdnojit birra jagi merkejuvvon dolastallansajiid oktavuođas. Geahča eambbo dolastallamii laktáseaddji rávvema Vánddardeami ABC-rávvagiin. 

Deaivvango biilla navigáhtoriin Nuuksioi?

GPS biilanavigáhtoriid geavaheamis leat bohciidan muhtumin váttisvuođat Nuuksios. Váttisvuohta bohciideažžá álbmotmeahci dološ meahccebiillaluottain dahje govdodaga bealis vuodjinmáđiin heivvolaš johtolagaid dihte. Dat johtolagat sáhttet leat, vaikke biilanavigáhtor cealká eará, de giddejuvvon bummen, nu heajos ordnegis ahte dain ii sahte vuodjit dahje gildojuvvon mohtorfievrruid geavahusas. Gánneha nappo leat kritihkalaš biilanavigáhtoriid geavaheamis miehtá dán jávrebadjeeatnama.