Bállás-Ylläsduoddara dábáleamos gažaldagat
Bállásduoddara ja Heahtá guovlu
Mot Bállásduoddarii ja Heahttái beassá almmolaš fievrruiguin?
- Bállásduoddarii beassá árgaiđidiid boastabiilla fárus Muonios. Beaivválaš linnjábiilavuorru johtá Roavenjárggas Muonioi ja Heahttái. Das sáhttá báhcit maid Jerisjávrái, mas mátki joatkahuvvá dáksiin Bállásii.
- Sesoŋŋaáiggiid johtá girkosiiddaid ja stuorit turismabáikkiid gaskka bovdehusdákse, mii doalvu ja buktá olbmuid Gihttela ja Eanodaga girdišiljuin (tosilappi.fi, suomagillii)
- Loga eambbo guovllu johtinoktavuođain.
Mot biilla oažžu sirdojuvvot Heahttái dehe Bállásduoddarii?
- Heahttálaš turismafitnodatolbmot fállet biilasirdinbálvalusa (tosilappi.fi, suomagillii) mainna biilla oažžu johtolaga nuppe geažis nubbái. Seamma fitnodatolbmot fuolahit maid fanasgivttain Ovnnesjávrri rastá.
Beasságo linnjábiillain Bállásduoddaris Heahttái dehe nuppe gežiid?
- Bállása rádjái beassá boastabiillain dušše árgaiđidiid. Vai dasa ollelii, ferte Heahtás vuolgit dakkaviđe iđđes čieža maŋŋel. Bállásis Heahttái beassá dušše dáksiin Bállásis Jerisii ja go joatká doppe bussiin Muonioi ja eahketbiillain Heahttái.
- Loga eambbo guovllu johtinoktavuođain.
Leago Heahttá - Bállás -johtolagas juhkančáhci?
- Buot stobuin ja dolastallanbáikkiin oažžu čázi. Čázi sáhttá juhkat, muhto geasset dan gánnáha vuoššat, daningo bakteradoallu lassána báhkkan álkit. Duottarládduin, mat leat guhkkin eret johtolagain, čáhci lea dávjá dohkálaš juhkat dakkáražžan.
Sáhttágo beatnaga váldit mielde vánddardeapmái?
- Sáhttá, muhto dan galgá álohii doallat gitta, iige dan oaččo váldit sisa stobuide.
Ylläsa guovlu
Mot Ylläsii beassá almmolaš fievrruiguin?
- Helssegis lea togaoktavuohta Kolarii ja Roavenjárgii, gos lea joatkkaoktavuohta linnjábiillain Ylläsjärvii ja Äkäslompoloi.
- Gihttelii lea girdin beaivválaččat. Joatkkaoktavuohta sesoŋŋaáiggiid linnjábiillain, eará háve bovdehusdáksiin, tel. 0600 14919. Ylläsa dákset, tel. (016) 106 422.
- Loga eambbo guovllu johtinoktavuođain.
Gos Ylläsis gánnáha vánddardit?
- Bivnnoheamos johtolagat leat luonddubálgát Ylläsis ja Aakenusas. Luonddubálgáin bivnnuheamos lea Varkaankuru bálggis. Bálgát leat álkit johtit, ja oahpistandávvaliin, mat leat bálgá guorain, oažžu dieđu guovllu luonddus, kultuvrras ja geologiijas. Luonddubálggisgihppagiid oažžu Kellokasas.
Leatgo johtolagaid guorain ávdinstobut ja sáhttágo reaissus dolastallat?
- Aakenusa Boazostobus ja Pyhäjärvi ávdinstobus sáhttá idjadit. Ylläs - Olos -johtolagas leat máŋggat ávdinstobut ja Ylläs - Rauhala -gaskkas lea Pahtavuoma ávdinstohpu. Ylläsä guovllus eai leat várrehusstobut. Dealttástallamii heivvolaččamus báikkit gávdnojit lávuid lahkosiin. Dola cahkkeheapmái dárbbahuvvo eananeaiggáda lohpi, muhto lávuin dolastallan lea lobálaš, earret meahccebuollinváruhusa áigge.
Gosa Ylläsis sáhttá mannat guolástit ja gos oažžu guolástanlobiid?
- Äkäs-Kuerjoki oktasašlobiin sáhttá guolástit álbmotmeahci olggobeale čáziin Äkäslompolo lahkosiin. Dolgevuoggaguolásteapmái heive Äkäsjoki ja dan unnit Kuerjoki. Stággooaggumiin ja dolgeoaggumiin sáhttá buđaldit Kesänkijärvis ja Aakenusa Pyhäjärvis. Guolástanlobiid oažžu Luondduguovddáš Kellokasas.