Leammi dábáleamos gažaldagat

Mas Leammi lea ožžon namas?

Leammileagi šattut leat dábálaččat šattolut ja ruotnasut go birrasis, ja leahki lea vásihuvvon muhtin muddui lieggasut guovlun. Leammi mii dárkkuha suomagillii liegga. Báikenamma lea áiggiid mielde nuppástuvvan Lemmenjokin.

Velgo Leammis rogget golli?

Leammis leat ainge 33 rogganbáikki ja 24 ruvkebiirre (j. 2006). Golli rogget guovllus geassit sullii čuohte olbmo.

Goas Leammi fanasruvttot johtet ja mo daidda beassá?

Fanasruvttot johtet geassit Njurggoluovtta ja Kultahamina gaskkas. Johtima álgin- ja nohkanbeaivemearit molsašuddet jahkásaččat vehá, nu ahte daid gánneha čilget ovddalgihtii. Sáhttá maiddái diŋgot badjelmearálaš fanassáhtuid dárbbu mielde. Fanasruvttoid fállet báikkálaš fitnodatolbmot, ja fatnasiid vuolginbáiki lea Njurggoluovtta gilis kafeaid gáttis.

Guovdalas gease fanasruvtto johtá guktii beaivái, muhto álgo- ja loahppageasis johtá dušše eahketfanas. Mátki bistá ovtta guvlui dušše 1,5 h. Fatnasat bisánit maiddái Ravadasas.

Iđitfanas vuolgá dmu 10.00 ja máhccá dmu 13.00.
Eahketfanas vuolgá dmu 17.00 ja máhccá ruovttoluotta Njurggoluktii 20.00.

Lassedieđuid Davvi-Sámi luondduguovddáš Siida.

Oažžugo Leammi álbmotmeahcis sihkkelastit?

Álbmotmeahcis oažžu sihkkelastit merkejuvvon bálgáid mielde. Praktihkas sihkkelastiid deaivida meahcis dušše hárve, dasgo bálgát eai heive bures sihkkelastimii.

Oažžugo beatnaga váldit fárrui vánddardeapmái?

Beatnaga oažžu váldit fárrui, muhto dan galgá doallat gitta.

Oažžugo golli roggat gos beare?

Golli roggat ii sáhte gos beare. Golli rogganbáikái galgá leat ohccojuvvon rogganlohpi dahje ruvkebiire. Báikkálaš fitnodatolbmot ordnejit diŋgoma mielde gollerogganmátkkiid iežaset rogganbáikkiide. Leat maiddái golleroggit, geaid goaivunbáikkiin soaittáhatjohtti sáhttá iskat doidima.