Váhčira dábáleamos gažaldagat

Oažžugo meahcis dolastallat?

Stáhtaeatnamiin Davvi-Lappis Meahciráđđehus diktá bidjat dola rissiin ja ovssiin almmá sierra lobi haga. Eanamuoraid dahjege eatnamii gahččan árvvuhis muoraid váldimii ja geavaheapmái galgá leat eanamuorralohpi, mii fidne Meahciráđđehusa Avvila bálvalanbáikkis. Olbmuid sávvet geavahit álo vejolašvuođaid mielde fuolahuvvon dolastallanbáikkiid. Meahccebuollinváruhusa áigge dolastallan lea gildojuvvon maiddái huksejuvvon dolastallanbáikkiin.

Rádjemearka Rádjoaivvis. Govva: Kirsi Ukkonen

Sáhtángo guolástit, maid dat máksá?

Váhčira čázit leat beakkán guollái. Guovllus leat rávdo- ja dápmotčázit. Guovllus sáhttá guolástit juogo leanaguovdasaš vuoggalobiin dahje eanet gokči Anára guovllu lobiin 1564 (www.eräluvat.fi, suomagillii). Geahča lassedieđuid.

Oažžugo Váhčira guvlui lobiid vuodjit mohtorgielkkáin mohtorgielkámáđijaid olggobeallai?

Olgobáikegoddelaš, guhte lea báikegoddelačča guossin ja geahču vuolde, sáhttá oažžut ráddjejuvvon sierrajohtinlobi maiddai máđijaid olggobeallai. Lobiid sáhttá gulaskuddat Meahciráđđehusa Avvila bálvalanbáikkis.