Darvvátvári dábáleamos gažaldagat

Maid lobiid dárbbašan go guolástan Darvvátvári meahcceguovllus?

Darvvátvári meahcceguovllus sáhttá oaggut ja oaggut jieŋa nalde juohkeolbmovuoigatvuođain (www.ymparisto.fi, suomagillii), dalle ii dárbbaš lobiid. Muitte fal, ahte rávdnječáziin ii leat lohpi oaggut ii dálvet iige geasset.

Go bivdá guovllu johkačáziiin, de ovdal dan ferte máksit stáda guolástandikšunmávssu (www.mmm.fi, suomagillii) sihke Eanodat 1551(www.eräluvat.fi, suomagillii). Leanaguovdasaš oaggunlobiin (www.mmm.fi, suomagillii) sáhtát bivdit guovllu jávrriin ja láttuin.

Leatgo Darvvátvári meahcceguovllus merkejuvvon johtolagat?

Guovllus leat guokte Geaidnolágádusa bálgá, mat leat merkejuvvon kilomehterstoalppuiguin: Gulddán-Leaibejávri ja Gárasavvon-Sivajávri. Lassin lea earret eará sajáiduvvan geinnodat Bálojávrris Sálvvošjávrái, mii ii leat merkejuvvon motge. Go vánddardat sihke merkejuvvon johtinluottain ja johtolagain, de dus berre leat mielde sihke kárta ja kompássa.

Sáhttágo Darvvátvári meahcceguovllus vuodjit mohtorgielkkáin?

Guovllu čađa manná merkejuvvon mohtorgielkáluodda Heahtás Gilbbesjávrái, mas Meahciráđđehus fuolaha. Dán luottas earrána mohtorgielkáluodda Sivajávrri bokte Gárasavvonii.

Go vuodjá luotta mielde, de dus ferte leat mohtorgielkávuodjinlohpi, mii lea fámus. Dákkár lobi sáhtát oastit earret eará Duottar-Sámi luondduguovddážis.

Don sáhtát maid vuodjit mohtorgielkkáin dakkár olbmo mielde, gii lea Eanodagas eret ja gii dovdá guovllu bures, maiddái guovllu eará báikkiin ovdagihtii sohppojuvvon johtolagaid mielde. Dákkár sierralobi sáhttá oažžut dárbbu mielde Duottar-Sámi luondduguovddážis.

Makkár meahcástanlobi ferte oastit Darvvátvári meahcceguvlui?

Guovlu juohkása guovtti meahcástanguvlui, 1614 Heahtá - Gáresavvonis (www.eräluvat.fi, suomagillii) ja 1613 Giehtaruohtas (www.eräluvat.fi, suomagillii). Silasjohka ja Darvvátjohka doibmet dáid guovlluid rádjin.