Dahkamuš ja oaidninveara Davvi-Sápmi luondduguovddáš Siiddas
Bissovaš čájáhusat
Kulturekologalaš čájáhusat muitalit davi luonddu ja álgoálbmoga sápmelaččaid sajáiduvvamis earenoamáš dillái:
- Siidda kulturekologalaš čájáhusat muitalit davviluonddu ja sámi álgoálbmoga vuogáiduvvamis ravddamus rájiid alde. Láidestančájáhus muitala mo guovllu luondu ja kultuvra leat ovdánan jiekŋaáiggis dássážii. Váldočájáhus ovdanbuktá davvieallima mihtilmasvuođaid jahkodatmolsuma mielde.
- Loga lasi čájáhusas Siidda (www.siida.fi) neahttasiidduin.
Molsašuvvi čájáhusat
Siiddas lea golbma molsašuvvi čájáhusa lanja, gos luondduguovddáš ja sámemusea lágidit jahkásaččat máŋggaid čájáhusaid luonddu- ja kulturfáttáin. Loga lasi molsašuvvi čájáhusain Siidda neahttasiidduin (www.siida.fi)
Joavkooahpisteamit
Siiddas lea fállun oahpistuvvon tuvrrat joavkkuide suoma-, sáme-, eaŋgalaš, ruoŧa- ja duiskka gielaiguin. Oahpisteapmi máksá ja dan galgá várret ovddalgihtii. Joavkoofelastin bistá 1 h 15 min ja haddi lea 105 €. Oahpisteapmi heivehuvvo heivvolažžan iešguđetgelágan joavkkuide. Vuogas joavkosturrodat lea eanemustá 25 olbmo.
Geassebajis olgomuseas lea diŋgomis temáoahpisteapmi, gos oahpásnuvvat eallimii Anáris 1850-logus. Oahpisteapmi bistá diimmu ja dan sáhttá diŋgot suomagillii dahje duiskkagillii. Temáofelastima haddi lea €/olmmoš (minimahaddi 180 €).
Lassedieđut Siidda ofelastimiin
AV-čájáhusat auditorias
- Luonddučuovgagovvejeaddji Martti Rikkonen guovssahasgovain čohkkejuvvon bálkkašuvvon multivišuvdnačájáhus "Aurora Borealis" (12 min.) dálvebajis beaivválaččat dmu 12 ja 15 ja geassebajis beaivválaččat dmu 11, 14 ja 17. Govaide čuojaha geaidduslágan Vilddas-joavkku musihkka, ja čájáhussii lea oažžumis teksten guđa sierra gielain. Čájáhus gullá bileahttahaddái. Guovssahasčájáhusat čájehuvvojit jus auditorias eai leat eará várremat.
- Joavkkuide lassin diŋgojumiid vuođul 10 € / čájáhus, molssaeaktun guovssahas- ja Anárjávri-čájáhusat.
Niestebáiki
Siidda šiljus lea vuoiŋŋastanbáiki robiin, gos sáhtát borastit iežat nisttiid.