Fuođđodárkongolmmačiegahasat
Soabbada luonddumeahcis leat guokte fuođđodárkongolmmačiegahasa, mat leat vuođđuduvvon fuođđonáli valljivuođa lohkama várás. Geassit golmmačiegahasat lohkkojuvvojit 5.-15.8. Lohkan dáhpáhuvvá golmma olbmo joavkkuin. Geasselohkamis lohkkojuvvojit buot eanalottit, sihke njoammilat ja vuovdemeahkástagat. Dasa lassin merkejuvvojit bajás buot guvžii guoskevaš áicamat. Dálvelohkan dahkkojuvvo riikka davviosiin 15.1.-15.3. Dalle lohkkipárat lohket fuođđonjiččehasaid luottaid.
Dákkár lohkanvuohki heive bures fuođđošlájaid máŋggahápmásašvuođa čuovvumii. Soabbada luonddumeahcis fidne ná veardidandohkálaš dieđuid fuođđošlájain suodjalanguovlluid olggobeale guovlluid ektui. Suomas leat lagabui duhát dákkár golmmačiegahasa. Fuođđodárkongolmmačiegahas lea dássesiiddot golmmačiegahas, man ovttaskas siidu lea 4 km guhku. Fuođđodárkongolmmačiegahasat bissot jagis jahkái seammán. Jahkásaš lohkanbohtosat váikkuhit earret eará vuovdeeanalottiid bivdo- ja ráfáidahttinmearrádusaide. Soabbada luonddumeahcis meahccebivdu lea oalát gildojuvvon.