Geavu johtolaga gáibideaddjevuohta

Geavu johtolat

Geavu johtolat gáibida hui ollu vánddardeaddjis, dasgo dat lea báikkuid rámšui. Allodatearut leat stuorrát, dasgo dat njiedjá moanaid gerddiid badjin jalges duoddaris Geavvoroggái ja goargŋu fas duoddarii. Johtolat lea báikkuid hui geađgái ja juvvii, nu ahte lea váttis johtit ja áinnas arvin johtolat lea njaláhas. Johtolat manná máŋgga sajis dasttán heŋgoravdda, ceakko bávtti alde dahje ceakko ráhpaid mielde.

Duottarádjagiid šaddá gállit rastá. Geavvorokkis Fiellogahjohka ja Geavvu rasttilduvvojit suohppagiid bokte, main leat veahkkin váijerii giddejuvvon giehtafárffut. Dulvin suohppagiid buohta sáhttá leat hui rávdnjái. Johtolat lea merkejuvvon bures, ja bálggis oidno hui bures. Kártta ja kompássa gánnáha liikká doallat fárus. Geavu johtolaga vázzimii gánnáha várret 3 - 5 beaivvi. Johtolat ii heive dakkáriidda, geaidda lea váttis lihkadit.

Guivvi johtolat

Guivvi johtolat leat gaskaváttis johtolat, mii manná eanaš duottarguovllus. Johtolat lea bures merkejuvvon, muhto dat lea báikkuid geađgái ja juvvii. Mátkki alde lea soames lossa goargŋun ja moadde joga, maid šaddá gállit rastá. Guivvi johtolaga vázzimii galgá várret 4 - 7 beaivvi.