Giđđadálvve cukŋot beaivvadagas geasuhit vánddardeaddjiid. Sin dorvun Meahciráđđehusa luonddubálvalusat leat merken Giehtaruohttasis dálvemáđija Gilbbesjávrris Háldái. Maiddái Eanodaga skohterluottaid leat merkemin.
Máđidjamearkkat čuoigiide ja skohtervuoddjiide
Álbmotmeahccemeašttir Antti Ohenoja muitala, ahte mátki alimus čohka guvlui lea dál dorvvastuvvon, go máđidja Gilbbesjávrris Háldái lea merkejuvvon. Vánddardeddjiid galgá goittotge álo muitit duottarguovllu dálkediliid, mat sáhttet molsašuvvat jođánit ja ráhkkanit bures dálvesiivvuide.
Fuolahanmáđijaid Bihčosjávri - Goapmajohka, Megonjávri - Doskaljávri - Suolojávri - Loassojávri merken lea vel gaskan, muhto merkema vuolde. Bargu joatkašuvvá go lea muohttán lasi. Eanodaga skohterluottaid čázádatosiid merken lea maiddái álggahuvvon.
Suoma stuorámus meahcceguovllus gal viššá johtit
Stuorra duoddariid guovllus lea buorre čuoiggadit giđđadálvve, vaikke doppe eai leatge merkejuvvon láhtut. Čuoigit sáhttet čuovvut skohterluottaid ja nu daddjon Háldi rissemerkema, man ávkkástallet báikkálaš safárifitnodagat. Seammá máđijas leat máŋggalágan johttit, muhto go váldá nuppiid vuhtii ja smáđáhkesvuođain gal guvlui heive. Sámi meahcceguovlluin johttit galget muitit, ahte giđđadálvve duoddaris oidnon bohccuid ii galgga lahkonit, go dalle dat gártet duššiid dihte sirdašuvvat čiehkariin ja čiegardit ođđa borransaji. Stuorra oassi dálveealus leat čoavjeálddut, mat galget vuorkut energiija boahttevaš miessái.
Gilbbesjávrris buorit láhtut
Meahcceeatnamii áigon álggahalli vánddardeaddji gánneha hárjehallat Gilbbesjávrri birrasis. Doppe sáhttá čuoigat Sánái (12 km) dahje Čoalmmivári birra (10 km) dahje Golmma váldegotti rádjamerkii (22 km).
Skohtervuodjin giehtaruohttasa meahcceguovllus lea rádjašuvvan eanaš Meahciráđđehusa merkejuvvon skohterluddii, muhto meahcceguvlui beassá oahpásmuvvat ovdamearkan báikkálaš safárifitnodagaid ordnen skohtersafáriin. Meahciráđđehusa luonddubálvalusaid dikšon Giehtaruohttasa meahcceguovlu lea guossemeari dáfus Suoma bivnnuheamos meahcceeana. Deháleamos sivva bivnnutvuhtii lea guovllu áidnalunddot luondu. Sáná vuhtii válddekeahttá buot Suoma badjel 1000 mehtera allosaš várit leat Giehtaruohttasa meahcceguovllus.
Lassidieđut: