Njellima johtolagat

Vánddardanjohtolagat ja bálgát

Njellima dimbbarsuvdinrennii doalvu 2,7 kilomehtera guhkkosaš merkejuvvon bálggis. Bálgá vuolginsadji lea Njellimis Virtaniemi guvlui doalvu luotta guoras sullii njealji kilomehtera geahčen Njellima gilis.
Piilola bálggis, 35 km, ovttasta norgalaš Badje-Báhčaveaijoga álbmotmeahci ja Váhčára meahcceguovllu. Geinnodat vuolgá Sortbrystjern-nammasaš jávrri gáttis Badje-Báhčaveaji álbmotmeahci davvenuortaoasi. Piilola bálggis lea fiinna meahcceguovlogeinnodat, mii luoddu juovvas beahceguolbaniid. Jeakkit, jávrrit ja unnit jogat buktet duovdagiidda máŋggabealátvuođa. Piilola bálggis lea meahcceluonddu dihte nu hástaleaddji, ahte dat ii heive álggahalli tuvalaččaide.

Guovllus oažžu čuoigat friddja. Báikkálaš ássiid skohtermáđiid sáhttá ávkkástallat ovdánettiin ovdamearkka dihte jus ii leat cuoŋu. Njellima gilis lea maid golmma kilomehtera guhkkosaš čuoiganlahttu čuovggaiguin.

Anárjávri heive bures fatnasiin johtimii. Fanashámmanat gávdnojit Anáris, Veskonjárggas ja Njellimis. Fatnasa čáhcái luoitin njiejahagat leat máŋggat. Fávllit leat merkejuvvon ja Anárjávrris fanaskárta veahkeha deaivat. Anárjávrris jođidettiin berre váldit vuhtii, ahte leat árktalaš stuorra jávrris ja dálki sáhttá rievdat jođánit.
Njellima čáhcetuvrageinnodat

Njellima gilis vuolgá mohtorgielkámađi Avvilii ja Váhčára meahcceguovloeatnama čađa Njižžjävrái (suom. Nitsijärvi) ja Čeavetjávrái. Lobiid sáhttá oastit Davvi-Sámi luondduguovddáš Siiddas Anáris, Meahciráđđehusa Avvila bálvalanbáikkis ja Meahcirađđehusa nehttagávppis (www.eräluvat.fi, suomagillii).
Muotkevárri lea bivnnuhis mohtorgielkátuvrabáiki. Muotkevárrái beassá dušše ofelaston gielkásafariin, daningo dat lea rádjeávádagas.