Evttohusat guhkes johtolagaide

Johtolatčilgehus Gilonanoaivi – Šuomaruoktu – Borgaskurču – Luirujávri – Lankojávri – Gilonanoaivi

• Gilonanoaivi–Šuomaruoktu (14 km)

  Vánddardanmáđidja álgá duottarguovddáš Gilonanoaivvi šilljus. Jođe vuos merkejuvvon Rávdoláddo máđidja mielde Niilaoaivvi boazoáiddi lusa ja mohkkas doppe merkemeahttun bálgái Šuomaruovttu ávdin- ja várrehusstobu guvlui. Govda bálggis čuovvu Šuomajoga. Šuomajoga lea álki rasttildit bartta bokte.

• Šuomaruoktu - Borgaskurču (13 km)

  Šuomaruovttu barttas bálggis joatkašuvvá Šuomajoga guora miehterávdnjái. Áideádjaga láhka lea šaldi, man maŋŋá johtit Vintiläntunturi guvlui. Hárresuorggi gierragiin dollet Borgaskurčui. Nubbi molssaeaktu lea vánddardeapmi Šuomajoga luobbaliid bokte. Goarkŋo luobbaliid maŋŋá Vintiläoja guora Unnaduoddariid máttabeale marastagaide ja njieja doppe Borgaskurčui. Borgaskurččus lea ávdin- ja várrehusstohpu.
  

• Borgaskurču–Luirujávrii (8 km)

  Borgaskurčču barttas mátki joatkašuvvá Báhčinoivviid máttabealde Luirujávrái fiinna beahcevuovddis ja marastagain. Rasttil Luirru guoikkaoaivvis, gos geassečázi áigge čáhci lea vuollel čippiid Luirujávrris lea Luirujávrri ávdin- ja várrenstohpu, Kuusela várrenstohpu, Rájá bartta ávdinstohpu sihke rabas Raappana gámme.

• Luirujávri - Lággojávri (19 km)

  Bálggis čuovvu Luirujávrri oarjegátti Lággojávrái. Joatkke Miesečaskinoaivviid ja Joukhaisoaivvi gaskka Šuomajoga guvlui. Palovanganjoga badjel lea láhka Suomujoga šaldi, man bokte jotkojuvvo joga guora miehterávdnjái Lággojávri guvlui. Suoločielgi–Gilonanoaivi- kártii leat merkejuvvon Lággojávrri máttabeale gállinsajit. Dulvin joga ávžžuhit rasttildit Goahtegeavgŋá šaldi bokte. Luirujávri – Lággojávri -bálgá guoras leat sihke guolbanat ja fiinna duottaroidnosat. Lággojávrris lea ávdin- ja várrenstohpu.
  

• Lággojávri - Gilonanoaivi (19 km)

  Lággojávrris johtá čielga bálggis Rávdoádjaga guora oarjjás Rávdoláddo beaivestohpui. Bálgá guoras návddašat meahcceoidnosiin. Rávdoláddos jođát rabas duottarguovlluin ruossagalbbain merkejuvvon máđidja mielde Niilaoaivvi bokte Gilonanoaivái. Máđidja lea geađgás ja govda.

  
  • Kárttat: Suoločielgi–Gilonanoaivi, Sokosti–Šuomajohka ja Nuorttabealli (Koilliskaira).