Ebmui luonddugovatja ealli musihkka ovttastuvvo, go Davvi-Sámi luondduguovddáš Siida ordne luonddugovvakonseartta Sámikulturguovddáš Sajosis Anáris duorastaga 16.4.2015 diibmu 18 rájis. Bileahttavuovdin earenoamáš Kairojen kaunis maa -konsertii lea álgán.
Luonddugovain vástida Suoma luonddugovvideami "grand old man", gudnedoavttirin námahuvvon Hannu Hautala. Sajosa auditorias beassá Hannu Hautala govaid fárus čáppa meahcceguovlluide. Govvakonsearttas leat mielde maid eanodatláš Tomi Valo sihke Unto Viitamäki luonddugovat.
Kairojen kaunis maa -konsearttas gullo Souvarit -joavkku luondutemá ealli musihkka. Lasse Hoikka ja Souvarit lea joavku, mii lea jo measta 40 jagi johtán birra Suoma, ja čuojahan olbmuide davvin muhto maiddái lulli dánsalávddiin. Seammalágan Hautala ja Souvarit oktasaškonseartta lea lágiduvvon Kuusamos ovdalge, buori ovttasbarggu hálidit joatkit ja dál iežas suorggi čeahpit loaiddastit ovttas vuot.
Bileahttavuovdin govvakonsertii lea álgán. Ovdabileahtat leat vuovdinláhkái Siiddas, Sajosis, Meahciráđđehusa bálvalanbáikkiin Avvilis ja Suoločielggis, ja maid lipputoimisto.fi -bálvalusas. Ovdabileahta haddi lea 25 €, uvssa luhtte, diibmmu ovdal konseartta, haddi lea 30 €.
Govvakonsertii ordnejuvvo sáhttu Gilonanoaivvis, Suoločielggis ja Avvilis. Sáhtu haddi lea 15 €. Báikkiid sihkkarastima dihtii gánneha oastit bileahta ovddalgihtii, bileahtaid oažžu Meahciráđđehusa bálvalanbáikkiin Suoločielggis dahje Avvilis. Sáhttu vuolgá Gilonanoaivvis diibmu 16, ja johtá Šuoločielggi ja Avvila bokte Anárii. Máhccansáhttu vuolgá govvakonseartta maŋŋel. Sáhtu ordne Meahciráđđehus ovttas Anára gieldda kulturdoaimmain.