Kalohttageinnodat

Davvi-Lappi
Eanodat (www.enontekio.fi)
Giehtaruohttasa meahcceguovlu ja Mallá luonddumeahcci.

Kalohttageinnodaga ollesguhkkodat lea 800 km, mas sulaid 70 km manná Eanodaga Giehtaruohttasis, 380 km Norgga ja 350 km Ruoŧa bealde. Go geinnodat lea liiggás guhkki johttit ovttatmano, dan gánnáha mannat gaskka hávális.

Geinnodaga vuolgin- ja geahčebáikkit leat davvin Norgga Guovdageainnus ja lullin Norgga Sulidælmás dehe Ruoŧa Huhttámis. Suomas geinnodat manná Giehtaruohttasa meahcceguovllu ja Mallá luonddumeahci čađa ja geinnodahkii beassá Gilbbesjávrres.

Geinnodaga guoras leat máŋggabealálaš davviriikkalaš duottareatnamat, dego duottarbadjosat, maid lea álki johtit, šattolaš soahkevuovddit, jiehkit ja ceakkoávžžit. Máŋgga sajes leat valjis duottaršattut.

Suoma beale oassi Kalohttageinnodagas lea geassevánddardangeinnodat ja geinnodaga buoremus vánddardanáigin ávžžuhuvvo áigi suoidnemánu álggu rájes gitta čakčamánu beallemuddui.

Dán siiddu čujuhus lea www.lundui.fi/kalohttageinnodat