Karehjuuhâ, láigostohpu

Kirakkajoga hirsa meahccestohpu lea Bátneduottara meahcceguovllu nuortarávddas, Kirakkajohkanjálmmis Ruhtajávrri (Rahajärvi) viestargeahčen. Ruhtajávri lea erenoamáš dápmohiid oaggunčáhci ja Kirakka guovllu luondu, Stobus davveviestarii, viestarii ja Kirakkajoga bajás manadettiin lea hui čáppa vanddardaneatnamat. Ruhtajávri lea dulvaduvvon jávri ja doppe fatnasiin galgá leat erenoamáš várrugas geđggiid ja gárguid geažil.

Tiipa ja sturrodat

Láigostohpu, 3 olbmo ja 10m2. Sávdni lea sierra.

Sajádat

Davvi-Lappi, Anára gielda, Bátneduoddara meahcceguovllu, Anára vánddardanguovlu

Avvilis 11 km davás Ukonjávrái, gos jorgala gurutbeallai čievrageaidnu (Galbbas lohká: Kirakkajoen vuokratupa), čievrageaidnorái 2,3 km Ruhtajávrri fanashámmanii. Fanashámmanis lea lohkka bierggasgássa ja fanas (Kala-Palta, reg. 4 olbmui.), mas lea heŋgenmohtor (Yamaha 5 hv, 2-dákta). Bensena galgá láigoheaddji buktit fárus, bensena seaguhusgorri 1 % oljoseaguhus. Fanas ja heŋgenmohtor gullet stobu láigohaddái.

Fanasmátki Ruhtajávrri viestargeahčái stobo lusa lea s. 11 km. Fátnasiin stobo lusa jođidettiin lea sivva leat hui dárki ja galgá vuodjit gulul jávrri geđggiid ja gárguid geažil. Fanasmátki ávžžuhat dahkat beaivvečuovgga áigge , borgemánus eahkedat ja ijat leat juo gerbmosat ja čakčamánu bealde seavdnajadat. Fanashámmaniid bierggasgássain lea Ruhtajávrri gárta. Dasa lea merkejuvvon bahámus geađgás sajit, mat leat dieđus. Geđggiid sajádat ii leat dárki eaige buot geađggit leat fidnejuvvon gártehussii.

Molssaevttolaš johtu:

Avvila girkus jorggiha geaidnu gurutbeallai Paltojávrái, meahccebiilageaidnorái beassá Čoages Soavveljávrri dávágeahčái, gos vázzinmátki Kirakkajoga stobo lusa dádjademiin lea sullii 6 km. Geinnodagat eai leat merkejuvvon!

Stobu koordináhtat WGS84 lat: 68.72409 lon: 27.19620. Lagamuš ránnjá sullii 5 km duohken.
Lagamuš gilli lea Avvil 23 km, gos leat buot vuođđobálvalusat.
Gárttat

Retkikartta.fi
Inarijärvi veneilykartta (Anárjávrri fanasjohtingárta) 1:50 000
Inarin osoite- ja virkistyskartta(Anára čujuhus- ja lustajohttingárta) 1:150 000
Suoločielgi-Bátneduottar olgolihkadankárta, 1:100 000

Haddi

75 € / jándor dahje 450 € / vahkku, mihcamáhat 280 € (du-so).
Stohpu várremássii njukča-golggotmánus. Suoidne-golggotmánnui váldojuvvo beare lá-lá -vahkkuvárrehusaid. Válbora maŋŋá sáhttá dahkat várrehusaid maid ovttaskas beivviide suoidne-golggotmánnui.
Várrehusat

Avvila Bálvalanbáikái (Ivalontie 10, 99800 Avvil (Anár), tel. 0205 64 7701) dahje Luondduguovddáš Siidii (Inarintie 46, 99870 Anár, tel. 0205 64 7740).
Čoavdagiid

Čoavdagiid sáhttá viežžat Ivalo River Camping: s (Kerttuojantie 1, 99800 Avvil (Anár) tel. 040-0395046) dahje Avvila Bálvalanbáikkis dahje Luondduguovddáš Siiddas máksoguitte vuostá. Čoavdda máhcahuvvo seamma sadjái.

Biergasat

Muorrauvdnaliggen, gássauvna, olgohivsset, čuovgan ginttal, juhkančáhci Kirakkajogas dahje lagas gáldus, eanageallir, olgodolastallansadji ja suovastangássa, sierra sávdni. (Fuom! Šilju boares barta ja suovvasádni eai leat šat geavahusas).

Stobus leat bázahuslihtit, muhto ávžžuhat buktit vánddardeaddjiid bázahusaideaset. Loga lasi ruskkahis vánddardeamis.

Fuopmášumit

Kirakkajohka lea ráfohuvvon juohkelágan guolástemis dego maid johkanjálbmi 400 mehtera mátkkis Ruhtajávrri goappatbeale gáttiin.
Stohpui oaččo buktit biebmoelliid.

Fuolahusas vástida

Meahciráđđehus, Lappi luonddubálvalusat.
Lassidieđut Luondduguovddáš Siida, tel. 0205 64 7740.

 

Várreneavttut