Čeavetjávri-Buolbmátjávri -johtolaga kárttat ja johtinoktavuođat

Johtinoktavuođat

Čeavetjávri-Buolbmátjávri -johtolaga sajádat @ Meahcirađđehus

Biillain

  • Johtolaga máttageahčai Čeavetjávrri gillái beassá Gámas-Čeavetjávri -geainnu (nr 971) mielde, mii earrána njelješgeainnus sullii 25 kilomehtera Anára davábealde.
  • Johtolaga davágeahčai Buolbmátjávrái beassá, go vuodjá njelješgeainnu mielde Ohcejohkii ja joatká das geainnu nr 970 mielde Njuorggáma bokte Buolbmátjávrái.
  • Johtolaga goabbat geaži gaskasaš biilasirdinbálvalusaid sáhttá gulaskuddat guovllu turista- ja dáksefitnodagain.

Almmolaš fievrruiguin

  • Johtolaga máttageahčai Čeavetjávrái lea linnjabiilaoktavuohta (www.matkahuolto.fi, suomagillii) Anáris (dábálaš ruvtto Avvil - Njávdán) ja Ohcejogas (johtilis ruvttot Čáhcesuolu/Deatnu - Roavvenjárga ja dábálaš ruvtto Njuorggán - Avvil). Ohcejogas boađedettiin galgá molsut Gápmasis Anára guovllos boahtti linnjabiilii.
    • Roavvenjárggas lea beaivválaš linnjabiilaoktavuohta Anárii.
    • Njuorggámis, Ohcejogas ja Čeavetjávrris leat dáksebálvalusat.
  • Lagamussii johtolaga davágeaži beassá Anáris Njuorggámii (dábálaš ruvttot Roavvenjárga - Njuorggán/Deatnu, Avvil - Njuorggán) manni linnjabiillain (www.matkahuolto.fi, suomagillii). Njuorggámis lea sullii 20 km geaidnoráigge Buolbmátjávrái, johtolaga davágeahčai.
    • Njuorggámis lea dáksebálvalus.
  • Lagamus girdišillju (www.finavia.fi, suomagillii) lea Avvilis.

Kárttat

Elektrovnnalaš kárttat

Čeavetjávri-Buolbmátjávri -johtolat @ Meahcirađđehus 2014

Eará kárttat

  • Čeavetjávri-Njuorggán -olgolihkadankárta, 1:100 000 (Sevettijärvi - Nuorgam ulkoilukartta), Karttakeskus 2009. Kártta sáhttá oastit earret eará Luontoon.fi-neahttagávppis, Nuortalaččaid árbevierrodálus, Davvi-Sámi luondduguovddážis Siiddas, Avvila bálvalanbáikkis ja Karttakeskusis.  
  • Eanadatkárttat nrt W523, W524 ja X513, 1:50 000 (Maastokartat), Eanamihtidanlágádus 2008. Kárttaid sáhttá oastit earret eará Davvi-Sámi luondduguovddážis Siiddas, Avvila bálvalanbáikkis ja Eanamihtidanlágádusas.
  • GT geaidnokárta 17, 1:250 000 (GT tiekartta 17). Kártta sáhttá oastit earret eará Karttakeskusis ja buriin girjegávppiin.
  • Meahccekárta 15-16, 1:250 000 (Metsäkartta 15-16), Meahciráđđehus 2011. Kártta sáhttá oastit Luontoon.fi-neahttagávppis, Davvi-Sámi luondduguovddážis Siiddas ja Avvila bálvalanbáikkis.

Kárttaid vuovdinbáikkit