Ohcejoga guovllu johtinoktavuođat ja kárttat

Ohcejohka lea Suoma ja Norgga ráji alde, Njelješgeainnu (váldogeaidnu 4, E 75) davágeahčen.

Ohcejohkii beassá Anára guovllos (váldogeaidnu 4), Gáregasnjárgga ja Njuorggáma guovllos (geaidnu nr 970) ja Norgga bealde E 6 -geainnu mielde.
Vuodjinráva Ohcejoga luonddustohpui

Ohcejohkii leat beaivválaš linnjábiilaoktavuođat Anáris. Geasi áigge biila vuodjá guktii beaivvis, dálvvi áigge vahkkobeivviid mielde oktii dahje guktii beaivvis. Áigedávvalat (www.matkahuolto.fi, suomagillii)
Lagamus ruovdegeaidnostašuvdna (www.vr.fi, suomagillii) lea Roavvenjárggas, gos lea joatkkaoktavuohta linnjábiillain Ohcejohkii.
Lagamus girdišillju lea Avvilis (www.finavia.fi, suomagillii). Girdišiljus ii leat linnjábiilaoktavuohta Ohcejohkii, muhto girdišilljotákse vuodjá Ohcejohkii golbmii vahkus: vuossárggaid, gaskavahkuid ja bearjadagaid.
Ohcejogas beaivválaččat Gáregasnjárgii johtti poastatákse sáhttá sáhtostit maiddái mátkkošteaddjiid. Lassedieđuid poastatáksses fidne Uulan Säästös doaibmi áššealmmáipoasttas.

Meahccereaissu vuolginsajit

Johtolagaid vuolginsajit leat Ohcejoga girkosiiddas ja dasttán dan lahkosiin.

GT-geaidnokárta 17, 1:250 000, Genimap 2006. Kárttaid sáhttá oastit ovdamearkka dihte Karttakeskusis ja girjegávppiin, main lea buorre válljenmunni.
Eanadatkárttat X512 Ohcejohka ja X434 Gistuskáidi, 1:50 000, Karttakeskus 2008. Kárttaid sáhttá oastit earret eará Davvi-Sámi luondduguovddáš Siiddas ja Eanamihtidanlágádusas.
Meahccekárta 15-16, 1:250 000, Meahciráđđehus 2011. Kárttaid sáhttá oastit Luontoon.fi-neahttagávppis, Ohcejoga luonddustobus, Davvi-Sámi luondduguovddáš Siiddas ja Avvila bálvalanbáikkis.