Soabbada johtinoktavuođat ja kárttat

Soabbada luonddumeahcci lea váldogeainnu nr 4 (E75) nuorttabealde Vuohču gilis davás.

Soabbada luonddumeahcci lahkonankárta © Meahciráđđehus 2010

Johtinoktavuođat

Biillain

  • Vuohču gilis, váldogeainnus nr 4 (E75) nuorttas manni Soabbatjávrri geainnu mielde beassá johtolagaid vuolginsajiide ja Soabbatjávrri gáddái. Váldogeainnu nr 4 luoddaearus lea oahpistangalba, mas lohká "Sompiojärventie". Vuohčus lea Soabbada luonddumeahci ráji ala 9 km. Soabbatjávrri meahccebiilageaidnu manná Soabbada luonddumeahci lulágeaže ja dan mielde sáhttá geasiáigge vuodjit. Álgogeasis geainnu ortnega gánnáha álo gulaskuddat Nuorttabeale luondduguovddážis dahje Suoločielggi bálvalanbáiki Kiehinenis. Geaidnu ii bajásdollo dálvviáigge, muhto geainnu mielde lea dávjá dálvit mohtorgielkávuojáhat.

Almmolaš fievrruiguin

  • Roavvenjárggas leat Avvilii váldogeainnu nr 4 (E 75) mielde beaivválaččat linnjabiilaruvttot (www.matkahuolto.fi, suomagillii): Roavvenjárga - Soađegilli - Vuohčču - Tankavaara - Kakslauttanen - Suoločielgi - Avvil. Linnjabiillas sáhttá báhcit eret Vuohču gilis dahje Tankavaaras. Vuohčus lea Soabbada luonddumeahci ráji ala vel 9 km. Tankavaaras Koilliskaira luondduguovddážis lea maiddái vázzinjohtolatoktavuohta Soabbada luonddumeahccái.
  • Linnjabiillat leat joatkkaoktavuođat Roavvenjárgii boahtti togain (www.vr.fi, suomagillii) ja girdiin (www.finavia.fi, suomagillii).
  • Avvilii boahtti girdiin lea linnjabiilaoktavuohta Suoločielgái ja Kiilopääi, mas lea vel Vuhččui s. 40 km.

Meahccereaissu vuolginsajit

  • Soabbada luonddumeahci riekkesjohtolaga álggogeahčen leat smávva parkerensajit biillaide dasttán luonddumeahci ráji alde ja 1 km duohken rájis luonddumeahci siskkobealde.
  • Soabbatjávrris lea parkerensadji.
  • Parkerensajit leat rabas geasiáigge.

Kárttat

Elektrovnnalaš kárttat

Soabbada luonddumeahcci čuozáhatkárta © Meahcciráđđehus 2014

Eará kárttat

  • Koilliskaira olgolihkadankárta 1:100 000, Karttakeskus 2010. Kártta sáhttá oastit ee. Luontoon.fi-neahttagávppis, Nuorttabeale luondduguovddážis Tankavaaras, Suoločielggi bálvalanbáiki Kiehinenis, Karttakeskusis ja girjegávppiin, main lea buorre válljenmunni.
  • Suoločielgi - Kiilopää olgolihkadankárta 1:50 000, Karttakeskus 2011. Kártta sáhttá oastit ee. Luontoon.fi-neahttagávppis, Nuorttabeale luondduguovddážis Tankavaaras, Suoločielggi bálvalanbáiki Kiehinenis, Karttakeskusis ja girjegávppiin, main lea buorre válljenmunni.
  • Náttašduottar eanadatkárta 1:50 000, nummir V512. Kártta sáhttá oastit ee. Nuorttabeale luondduguovddážis Tankavaaras, Suoločielggi bálvalanbáiki Kiehinenis, Karttakeskusis ja girjegávppiin, main lea buorre válljenmunni.
  • GT-kartta 15, 1:250 000. Kárttaid sáhttá oastit Karttakeskusis ja girjegávppiin, main lea buorre válljenmunni.
  •  Meahccekárta nr 12-14, 1:250 000, Meahciráđđehus 2011. Kártta sáhttá oastit ee. Luontoon.fi-neahttagávppis, Bealljeduoddara oahpistanguovddážis, Nuortabeale luondduguovddážis ja Suoločielggi bálvalanbáiki Kiehinenis. 

Kárttaid vuovdinbáikkit