Suoločielggi guovllu johtinoktavuođat ja kárttat

Johtinoktavuođat

Suoločielggi guovlu lea Anára ja Soađegili gieddaid siste váldogeainnu 4 (E 75) guoras 30 km Avvila lulábealde.

Suoločielgái beassá beaivválaččat linnjabiillain (www.matkahuolto.fi, suomagillii). Roavvenjárgga ruovdegeaidnostašuvnnas (www.vr.fi, suomagillii) leat njuolggo linnjabiilaoktavuođat Suoločielgái.
Avvila girdišilljui (www.finavia.fi, suomagillii) lea birrajagáš jeavddalaš girdijohtalus.

Suoločielgái beassá biillain váldogeainnu 4 (E 75) mielde lulil ja davil. Avvilis lea Suoločielggi turismaguovddážii 30 km, lulil Roavvenjárggas boađedettiin lea 260 km. Avvila girdišiljus lea Suoločielggi guovddážii sullii 25 km.
Laanila lea váldogeainnu 4 guoras, sullii 4 km Suoločielggi turismaguovddážis lulás. Johtolagaid vuolginsadji lea Hotelli Laanila šilljobirrasis, gosa leat oahpistanrusttegat.
Kakslauttanen lea váldogeainnu 4 guoras sullii 11 km Suoločielggi turismaguovddážis lulás. Kakslauttanena buohta jorggiha váldogeainnus 4 geaidnu nuorttasguvlui Kiilopääi. Johtolagaide beassá Kiilopäägeainnu álggogeahčen leahkki Hotelli Kakslauttanena šiljus.
- Váldogeainnus 4 earrána Kiilopääi manni geaidnu ja dan mielde lea sullii 6,5 km geaidnogeahčai Tunturikeskusii, man šiljus lea okta johtolagaid vuolginsajiin.
Vuodjinráva Suoločielggi bálvalanbáiki Kiehinenii.

Geassejohtolagaide ja láhtuide beassá čuovvovaš vuolginsajiin, main leat parkerensajit ja oahpistandávvalat:
- Suoločielggi turismaguovddáš, vuolginpoarta Tunturinhotelli lulábealde
- Laanila, Hotelli Laanila šilljobirrasis
- Kiilopää, Tunturikeskusa šiljus
- Kakslauttanen, Hotelli Kasklauttanena šiljus

Olgolihkadankárttat Suolocielgi-Kiilopää olgolihkadankárta 1:50 000 ja Sokosti-Šuoma olgolihkadankárta, sisttisdoallat oahpisgirji, 2011 (Saariselkä Retkeilyopas ja kartta). Kártta sáhttá oastit ee. Luontoon.fi-neahttagávppis, Suoločielggi bálvalanbáiki Kiehinenis, Karttakeskusis ja girjegávppiin, main lea buorre válljenmunni.
Suoločielgi - Kiilopää olgolihkadankárta, 1:50 000, Karttakeskus 2007. Kártta sáhttá oastit ee. Luontoon.fi-neahttagávppis, Suoločielggi bálvalanbáiki Kiehinenis, Karttakeskusis ja girjegávppiin, main lea buorre válljenmunni.
Bátneduottar - Suoločielgi olgolihkadankárta, 1:100 000, Karttakeskus 2008. Kártta sáhttá oastit Luontoon.fi-neahttagávppis, Karttakeskusis, Suoločielggi bálvalanbáiki Kiehinenis ja girjegávppiin, main lea buorre válljenmunni.
Koilliskaira olgolihkadankárta, 1:100 000, Karttakeskus 2007. Kártta sáhttá oastit ee. Luontoon.fi-neahttagávppis, Bálvalanbáiki Kiehinenis, Karttakeskusis ja girjegávppiin, main lea buorre válljenmunni.
GT geaidnokárta Davvi - Suopmatiekartta, 2010, 1:400 000. Kártta sáhttá oastit Karttakeskusis ja girjegávpiin, main lea buorre válljenmunni.
Meahccekárta nr 12-14, 1:250 000, Meahciráđđehus 2011. Kártta sáhttá oastit ee. Luontoon.fi-neahttagávppis, Bealljeduoddara oahpistanguovddážis, Nuortabeale luondduguovddážis ja Suoločielggi bálvalanbáiki Kiehinenis.