Čeavetjávrri-Njávdáma guovllu johtinoktavuođat ja kárttat

Čeavetjávrri-Njávdáma guovlu lea stuorra Anárjávrri davvenuorttabealde. Guovlu lea váldogeaidnu 4:s Anára davábealde earráneaddji Čeavetjávrri geainnu (nr 971) guoras.

Čeavetjávrri-Njávdáma guovllu lahkonankárta © Meahciráđđehus 2005

Johtinoktavuođat

Biillain

  • Geaidnu Čeavetjávrái (nr 971) earrána váldogeaidnu 4:s sullii 25 km Anáris davásguvlui. Čeavetjávrri gillái lea Gápmasa luoddaearus 90 km.

Almmolaš fievrruiguin

  • Čeavetjávrái ja Njávdámii lea linnjabiilaoktavuohta Anáris (Avvil-Njávdán dábálaš ruvtto) ja Ohcejogas (johtilis ruvttot Čáhcesuolu/Deatnu-Roavvenjárga, dábálaš ruvtto Njuorggán-Avvil), goas šaddá Gápmasis molsut Anáris boahtti linnjabiilii. Áigetávvalat (www.matkahuolto.fi, suomagillii).
  • Roavvenjárggas lea beaivválaš linnjabiilaoktavuohta Anárii.
  • Lagamus girdišillju lea Avvilis. Lassidieđut (www.finavia.fi, suomagillii)

Meahccereaissu vuolginsajit

  • Parkerensajit leat Nuortalaččaid árbevierrodálu šilljobirrasis (guovllu oarjjageahčen, oahpistantávval), Njoammelgeavgŋás (Njuámmicooskâs, anárašgillii) (Čeavetjávri-Njávdán - geaidnu, oahpistantávval) ja Garitjávrris (Čeavetjávri-Njávdán -geaidnu). Njávdámis (guovllu nuorttageahčen) lea guovllu oahpistantávval, muhto ii virggálaš parkerensadji.
  • Fanasluoitinsajit leat Čeavetjávrri gilis ja Njoammelgeavgŋás Čeavetjávri-Njávdán -geainnu guoras.
  • Johtolagaid vuolginsajit

Kárttat

Elektrovnnalaš kárttat

Čeavetjávri-Njávdán čuozáhatkárta © Meahciráđđehus 2014

Eará kárttat

  • Čeavetjávri - Njuorggán olgolihkadankárta, 1:100 000, Karttakeskus 2009. Kárttaid sáhttá oastit ee. Luontoon.fi-neahttagávppis, Nuortalaččaid árbevierrodálus, Davvi-Sámi luondduguovddážis Siiddas, Meahciráđđehusa Avvila bálvalanbáikkis, Karttakeskusis ja girjegávppiin, main lea buorre válljenmunni.
  • Eanadatkártat nr:at W523, W524 ja X513, 1:50 000, Eanamihtidanlágádus 2006-2008. Kárttaid sáhttá oastit Davvi-Sámi luondduguovddážis Siiddas, Meahciráđđehusa Avvila bálvalanbáikkis ja Eanamihtidanlágádusas.
  • GT geaidnokárta, Davvi-Suopma, 1:400 000. Kárttaid sáhttá oastit earret eará Karttakeskusis ja girjegávppiin, main lea buorre válljenmunni.
  • Meahccekárta 15-16, 1:250 000, Meahciráđđehus 2011. Kárttaid sáhttá oastit Luontoon.fi-neahttagávppis, Davvi-Sámi luondduguovddážis Siiddas ja Meahciráđđehusa Avvila bálvalanbáikkis.

Kárttaid vuovdinbáikkit