Leammi johtinoktavuođat ja kárttat

Leammi álbmotmeahcci lea Anár-Gihttel geainnu (nr 955) ja Anár-Áŋŋel geainnu (nr 9553) gaskkas.

Johtinoktavuođat

Leammi álbmotmeahci lahkonankárta © Meahciráđđehus 2005

Almmolaš fievrruiguin

  • Anárii beassá linjabiillain, muhto ii Leammái (Njurggoluktii). Áigetávvalat (www.matkahuolto.fi, suomagillii). Lagamus taksit gávdnojit Anáris ja Leammis.
  • Geasseáigge (7.8. rádjai) taksivuoru vuodjá Anári-Lisma gaskka vu-lá, lassidieđut Siidas.
  • Lagamus girdišillju (www.finavia.fi, suomagillii) lea Avvilis. Girdišiljofievrrideamit vuodjá girdišiljus Anarii ja Leammái, loga lasi (www.kuljetusliikeilmarislant.fi, suomagillii).

Biillain

  • Geainnut johtet álbmotmeahci davviravdda ja nuortaravdda guora.
  • Biillain beassá Njurggoluovtta gillái, gos lea geassit rabas rávvenstohpu. Njurggoluovttas lea geassit maiddái mohtorfanasoktavuohta Ravadasjávrri ávdinstohpui ja Kultahaminai.
    • Gihttelgeainnus (nr 955) jorgaluvvo viestarii Leammigeidnui (nr 9551), mii doalvu Njurggoluktii.
  • Biillain beassá maiddái Lismmá gillái, mii lea meahci máttaoasis. Gillái doalvu geaidnu jorgala Gihttelgeainnus (nr 955).
  • Vuodjoráva Davvi-Sámi luondduguovddáš Siidii.

Meahccereaissu vuolginsajit

  • Párkerenbáikkit leat Njurggoluovtta gilis sihke Riebanjogas Sállevári rávvenbáikkis Gihttelgeainnu (nr 955) guoras.
  • Bálgáid álgogeažit Njurggoluokta ja Sállevári rávvenbáikkit.

Kárttat

Elektrovnnalaš kárttat

Leammi álbmotmeahcci © Meahciráđđehus 2015

Eará kárttat

  • Olgolihkadankárta Leammi, 1:100 000, Karttakeskus 2010. Kártta sáhttá oastit Luontoon.fi-neahttagávppis, Davvi-Sámi luondduguovddážis Siiddas dahje Avvila bálvalanbáikkis. Kártta prentehus lea nohkat.
  • GT-kárta Pohjois-Suomi, 1:400 000, Karttakeskus 2013. Kártta sáhttá oastit ovdamearkan Karttakeskusis ja buorre girjegávppiin.
  • Eanadatkárttat, nr:t W431, W433, W434 ja V442, 1:50 000, Eanamihtidandoaimmahat 2008 - 2009. Kárttaid sáhttá oastit earret eará Davvi-Sámi luondduguovddážis Siiddas, Avvila bálvalanbáikkis ja Eanamihtidanlágádusas.
  • Geologalaš vánddardankárta Leammi, 1:50 000 ja Rávagirji. Geologalaš dutkanlágádus 2002. Kártta sáhttá oastit Davvi-Sámi luondduguovddážis Siiddas.
  • Meahccekárta nr 15-16, 1:250 000, Meahciráđđehus 2011. Kártta sáhttá oastit Luontoon.fi-neahttagávppis, Davvi-Sámi luondduguovddážis Siiddas ja Avvila bálvalanbáikkis.

Kárttaid vuovdinbáikkit