Johtolatčilgehus Kesgeaidnu-Sortbrysttjern, 35 km
Kesgeaidnu-Kesjárvi 5,1 km
Piilola bálgá vuosttaš moadde čuođi mehtera mannet dalá vuovdedoalloguovllus, gos vuovddi geavaheami luottat leat čielgasit oidnomis. Váhčira meahcceguovloeana álgá 3 km:a bálgás vázzima maŋŋel. Meahcceguovllu lulleoasi, Kes guovllu, mehciin oidnojit mearkkat 1920-logu čoagginčuohppamiin, gos stuorámus muorat leat čullojuvvon. Johtolat čuovvu Kesjávrri gátti ovdalgo manná Kesávrri ávdinstohpui, Kesjávrri ávdinstohpu ja Kesjoga duohken gávdno sávdni leat priváhta oamastusas, nu maid boares meahccedállu ovttas šilju ráhkkanusaiguin.
Kesjávri-Piilola 15,4 km
Dát bálggisoassi manná mihtilmas vuvddiid čađa, gos čeavlás muorraboarrásat, áikat, dollet vuorasmuvvanbeivviid. Bálggis garvá buot juovaid, maid leat váttis johtit. Nuorttamajávrri fiellolávvu lea sullii 9 km geahčen Kesjávrris. Ovdal fiellolávu galgá rasttildit vel Njammajoga (Njaamâjuuhâ) šalddi mielde. Gállimiin rasttilduvvon Sáttoluobbala (Čunoiluohtâ) ája ovdal ávdinstobu. Piilola ávdinstohpu (linkki) leat Njammajávrri gáttis.
Piilola-Piilolaporten 3,8 km
Geinnodat luoddu dás oasis jekkiid, maid badjel eai mana rasttildanmuorat. Mátki buoremus boddu veadjá Norgga ja Suoma ráji rasttildettiin rájirasttildanbáikkis (rm 353 K): boazoáidi earuha guokte stáhta nubbi nuppis ja Eurohpá Uniovnna EU:a olggobealát riikkain. Boazoáiddi badjel mannama váste leat dahkkon boardagat. Piilolaporten ávdinstohpu lea dušše moatti čuođi mehtera geahčen rájis.
Piilolaporten-Ellenvannskoia 6,3 km
Vánddardanjohtolaga stuorimus allodaterehusat leat dán gaskkas, muhto eai leat beare ceakko vustolagat. Ellenvatnet- jávrri čielgi hálddaša dán oasi duovdagiid. Lahkonettiin Ellevannskoia ávdinstobu johtolaga guoras leat Badje-Báhčaveaijoga álbmotmeahci luonddu ja kulturhistorjjás muitaleaddji luonddubálggis galbbat.
Ellenvannskoia-Sortbrysttjern 4,4 km
Maiddái Piilola bálgá maŋemus, Sortbrysttjern-jávrri mielde johtaleaddji oasit, hervejit álbmotmeahci luonddu ja rávagalbbat ovdanbuktet kulturhistorjá. Maŋemus fiellolávvu lea sullii 2,4, km geahčen Ellenvannskoian ávdinstobus. Sortbrysttjern-jávrri gáddelinjá čuovodettiin beassá Piilola bálgá davi loahppabáikái.