| Tiipa ja sturrodat | Láigostohpu, 5 olbmo ja 16 m2, sávdni seamma visttis. |
| Sajádat |  Davvi-Lappi, Anára gielda, Galddoaivvi meahcceguovlu, Čeavetjávrri-Njávdáma guovlu ja Čeavetjávri-Buolbmát -johtolat. Geassegeinnodat: Geassit leat geavahusas guokte molssaevttolaš geinnodaga. - Njoammilguoikkas (Jäniskoski) vuolgi, oppalohkái eatnama mielde johtti geinnodat lea merkejuvvon oránša málamearkkaiguin geđggiide ja muoraide. Bálggis vuolgá Njoammilguoikka P-sajis s. 10,4 km Čeavetjávrri bára luoddaearus Njávdáma guvlui. P-sadji lea geainnu gurut bealde Čeavetjávrris boađedettiin. Sávdneguoikka stohpui johttojuvvo seamma bálgá mielde muhto lahka Njávdánjoga Kuosnijoga stohpui manni bálggis earrána bálgás johkaguora vulosguvlui. Fuomáš bálgáid earráneami! Kuosnijohkii šaddá vázzinmátki s. 12 km. Bálggis lea báikkuid geađgái ja losimus vustolagat leat Noammiloaivvi ala ja Boaresvárrái goargŋodettiin. Njávdámajoga guorra lea duolba eana.
- Čeavetjávri-Njávdáma váldogeainnu guoras vuolgi geinnodat (vázzi 3 km, fatnasiin 6 km, vázzin 3 km) geainnu gurut beale s. 250 m ovdal Jiekŋajávregeainnu (Jääjärventie) bajit geainoluotta. (Jiekŋajávregeaidnu lea geaidnomohkki).Geaidnogalbbas teaksta Luolapuro / Kuosnijohka. Geinnodat lea merkejuvvon oránša báttiin Stuorra Jiekŋajávrri pláŋkošalddi ala ja das ovddos ain Luolajávrri davágeaže fanassadjái rukses báttiin. Dán mátkái šaddá mátki s. 3 km ja dat guorada measta oppa mátkki boares bálgá.
- Luolajávrri gáttis lea fanas (Terhi Saiman, rek. 4 olbmo.), heŋgenmohtor (Yamaha 4 hf, 4-dávtta), fánas-liivakássa sihke gárta Luolajávrris mas oainnát dorvvolamos fanasjohtolaga nuppe geahčái jávrri sihke maid jávrri máttageaže fanassadji. Fatnasiin mátki šaddá s. 6 km. Áššehaččas galgá leat iežas bensen, heŋgenmohtorii oažžu leiket dušše buhtes bensena. Luolajávri lea s. 7 km guhkki, seakka jávri nuortadavvi-máttaviesttar guovllus ja garra bieggan lea sivva geavahit Njoammilguoikkas álgi eanageinnodaga.
- Máttageaži fanassajis šaddá vázzinmátki stohpui velá s. 3 km rukses báttiin merkejuvvon bálgá mielde. Dátge geinnodat guorada measta oppa mátkki boares bálgá. Maiddái dán fanassajis lea muorrakássa gosa fanasliivvat guđđojuvvojit.
Dálvegeinnodat: Čeavetjávrri girku buohta 17,2 km Njávdáma guvlui. Geainnu gurut bealde lea govddiduvvon geaidno oassi biilaparkerema várás. Dálvegeinnodat vuolgá geainnu gurut bealde ja geinnodat johtá gaskkohagaid mohtorgielkámáđiid mielde. Mátki stohpui lea s. 9 km. Dálvegeinnodat lea merkejuvvon alit mearkain.
Lagamus gilli lea Čeavetjávri 16 km. Njávdama gilli 22km, gos lea boaldámušstášuvdna ja gávpi. Avvil-Njávdan eatnangeainnus linjabiilaoktavuohta (árgabeivviid).
Lagamus geassestohporánnjái 2 km. Stobu koordináhtat WGS84 lat: 69.65332 lon: 28.79216. |
| Gárttat | Retkikartta.fi
Čeavetjávri-Njávdám olgolihkadangárta 1:100 000, Inarin osoite- ja virkistyskartta (Anára čujuhus- ja lustajohttingárta) 1:150 000
Duovddakárta nr X513, 1:50 000. |
| Haddi | 70 € / jándor dahje 420 € / vahkku, mihcamárat 280 € (du-so).
Stohpu várremássii njukča-golggotmánus. Suoidne-golggotmánnui váldojuvvo beare lá-lá -vahkkuvárrehusaid. Válbora maŋŋá sáhttá dahkat várrehusaid maid ovttaskas beivviide suoidne-golggotmánnui. |
| Várrehusat | Avvila Bálvalanbáikái (Ivalontie 10, 99800 Avvil (Anár), tel. 0205 64 7701) dahje Luondduguovddáš Siidii (Inarintie 46, 99870 Anár, tel. 0205 64 7740). |
| Čoavdagat | Čoavdagiid sáhttá viežžat Ivalo River Camping (Kerttuojantie 1, 99800 Avvil (Anár) tfn. 040-039 5046) dahje Avvila Bálvalanbáikkis dahje Luondduguovddáš Siiddas máksoguitte vuostá. Čoavdda máhcahuvvo seamma sadjái. |
| Biergasat | Muorrauvdna liggen, gássauvdna, olgohivsset, čuovgan beaivvášseallačuovga (1.3.-31.10.) ja gintalat, juhkančáhci jogas, eanakeallir, olgodolasdallansadji ja suovastangássa. Fuom. Ii fanas. Stobus leat bázahuslihtit. Loga lasi ruskkahis vánddardeamis. |
| Fuopmášumit | Stobus ii lea hivssebáhbir. Stohpui oažžu buktit ruoktoelliid. Mohtorgielkkáin vuodjin gáibida meahccejohtolatlobi. Lobi sáhttá skáhppot Luondduguovddáš Siiddas dahje Avvila bálvalansajis.
Fuom! skáhppo lobi maŋimustá vahku ovdal čuozáhatbáikái vuolgima. |
| Guolásteapmi | Njávdánjoga lobit leat dihtomearri.
Rávdnjebáikkiin guolástettiin galgá leat mákson valtion kalastuksenhoitomaksu (www.mmm.fi, suomagillii) sihke virkistyskalastuslupa (www.eräluvat.fi, suomagillii). Fuomáš, ahte Njávdánjoga lobiin lea dihtomearri. Guolástanlobiid vuvdet Meahciráđđehusa áššehasbálvalansajiid lassin maiddái báikkálaš fitnodatolbmot. |
| Fuolahusas vástida | Meahciráđđehus, Lappi luonddubálvalusat.
Lassidieđut Luondduguovddáš Siida, tel. 0205 64 7740. |
