Leammi luonddustobu bálvalusat sirdašuvvet Davvi-Sámi luondduguovddáš Siidii ja luonddustohpu giddejuvvo. Luonddustobus, mii lea Njurggoluovtta gilis, guossemearit leat njiedjan ja mátkkošteaddjiid fáhte buorebut Anára kirkosiiddas.
Meahciráđđehus buvttii ovdan luonddustobu dili Leammi guovllu turismafitnodagaide 20.1. Seammá dilálašvuođas háleštalle mo stobu sáhtašii boahttevuođas geavahit.
Ođđa doaibmavugiin lasi váikkuhusa
Leammi luonddustobu guossemearit leat njiedjan mannan jagiid dušše golmma duháhii. Luonddustobu bálvalusat sirdojuvvojitge Anára kirkosiidii Davvi-Sámi luondduguovddáš Siidii, gos fáhtejit jahkásaččat sulaid 100 000 guossi. Siiddas lea ovddasvástádus Davvi-Sámi vánddardanrávvemis ja lasiha dál maiddái Leammi dieđuid juohkima mátkkošteaddjiide ja vánddardeaddjiide.
Lasi ovttasbarggu turismafitnodagaiguin
Meahciráđđehusa luonddubálvalusat lasiha ovttasbarggu Leammi fitnodagaiguin ja earret eará dáhpáhusbeivviid ordnemiin ja čielggada vejolašvuođa álbmotmeahci oahpistantávvala ceggemis Njurggoluovtta gillái. Maiddái luonddustobu ávkkástallan báikkálaš turismadoibmii lea smiehttama vuolde. Stobu lea vejolaš vuovdit dahje láigohit.
Jagi 1994 rahppojuvvon luonddustohpu leamašan doaimmas dušše gesiid guovtti mearreáigásaš bargiin. Stobu jahkásaš bajásdoallangolut leat mearkkašahtti allagat guossemeari ektui. Lassin ráhkadus dárbbaša vuođđodivvuma ja boares čájáhus ii šat čuovo áiggi.
Lassidieđut
- Álbmotmeahccehoavda Pirjo Seurujärvi, Meahciráđđehus, šleađgapoasta pirjo.seurujarvi(at)metsa.fi