Ohcejoga luonddustohpu

Ohcejoga luonddustohpu Ohcejoga girkobáikkis oahpásmuhttá du beakkán luossajohkii Detnui. Dát Norgga ja Suoma rádjejohka geasuha luossabivdiid ja mátkkálaččaid jagis jahkái davimus Sápmái. Luonddustobus fidne maiddái dieđuid Ohcejoga guovllu vánddardanvejolašvuođain: Geavu luonddumeahcis ja lahkosiid meahcceguovlluin.

Sisabeassan

Luonddustohpui sáhttá oahpásmuvvat nuvttá. Joavkkuid gánnáha almmuhit ovddalgihtii. Go Ohcejoga luonddustohpu lea gitta, de lassidieđuid fidne Davvi-Sámi luondduguovddáš Siiddas.

Johtinoktavuođat

Almmolaš fievrruiguin

Ohcejohkii lea beaivválaččat linnjabiilaoktavuođat Anáris. Áigetávvalat (www.matkahuolto.fi, suomagillii)

Biillain

Ohcejoga luonddustohpu lea váldogeainnu nr 4:a guoras Ohcejoga girkobáikki guovddážis.

Bálvalusat

• Dieđut Geavu luonddumeahci ja Báišduoddara ja Gáldoaivvi meahcceguovlluid luonddus ja vánddardanvejolašvuođain. Lagamusas luonddustobu lea Báišduoddara meahcceguovlu.
• Vuovdimassii leat ee. publikašuvnnat ja kárttat. Maiddái Meahciráđđehusa lustabivdolobiid vuovdin.

Bissovaš čájáhus

Luonddustobu čájáhus muitala Deanu luosas ja dan guolástusas ja joga luonddus ja historjjás.

Šilljobiras

Luonddustobu šilljobirrasis álgá Ohcejoga vánddardanjohtolat, 35 km, mii manná Báišduoddara meahcceguovllus. Dát johtolat lea riekkesjohtolat. Johtolaga sáhttá juohkit maiddái 25 km:a dahje 10 km:a ossodagaide, maid geahči lea Máttajávrris, Ohcejoga máttabealde.

Lihkadanlápmásiid bálvalusat

Vistái beassá juvlastuoluin.