Bállás-Ylläsduoddara luondu
Máŋggahámat luonddus geažil Bállás-Ylläsduoddara álbmotmeahcis lea suodjaleami ja áhpásnuvvangeavahusa lassin stuora mearkkašupmi dutkandoibmii. Guovllus leat jođus badjelaš čuođi sierralágán dutkanprošeavtta. Oassi dain laktásit riikkaidgaskasaš áibmošlája mihtidan- ja čuovvundutkamušaide. Duoddara áibmu leanai dutkamušaid mielde Eurohpa ráidnaseamos. Eará dutkanfáttát leat ee. ordavuovddit, turismadoaimma birasváikkuhusat ja sáhpánpopulašuvnnaid ekologiija ja nállemolsašuddamat.
Duoddarat allánit vuvddiin ja jekkiin
Bállás-Ylläsduoddara álbmotmeahcis suodjaluvvo mearkkašahtti oassi Oarje-Sámi stuoraduottarráiddus ja luondduviđávuvddin ja jekkiin, mat leat dan birra. Duottarráidu bistá álbmotmeahcis measta logi miilla.
Duoddariid riegadeapmi
Duottarráiddu báktevuođu gárggiideami áramus dáhpáhusat gullet áigemuddui, goas Sámis ledje Álppaidsullasaš joaibmevárit, Svekokarelidat. Áigi das lea vássán sulaid 3 miljárdda jagi, eaige váriin leat báhcán earát go dan gollan ruohtasoasit dehege dáláš čohkát. Mearraáigodagaid ja váriid joaibmuma gaskkas dáin duovdagiin lea leamaš maid aktiiva dollavárredoaibma, goas leat šaddan eatnama čáhppes vulkána geađggit.
Bállás-Ovnnesduoddarat
Ovnnesduottar lea Suoma duoddariid dábálaččamus geađggis, kvarcihtas ja granihtas, mat girdet golahusa. Bállás-Ovnnesduoddara earuhit Pahakuru ja Hánnogurra, mat leaba maid rámšasat. Doppe deaivvadit máŋggat lulli- ja davviguovllu šaddo- ja eallišlájat. Duoddariin goahccevuovdi ollá sulaid 400 - 500 mettara allodahkii mearradásis. Dan bajábealde lagešvuovdi rápmada seakka boagánin muorahis bálljásin, gos šaddet dušše duoddariid sitkes daŋasšattut, dego čáhppesmuorji, rievssatmuorji ja duolbadaŋas sihke biekkus alážiin lieđđedaŋas. Guorba, viiddes duottarguolbaniid veajan leat skurččuid šattolaš jogášrođut gáiskešattuideasetguin.
