Matti Musta stohpu
Davvi-Lappi
Anár (www.inari.fi)
Leammi álbmotmeahcci
Čuozáhaga dikšu Meahciráđđehus.
Matti Musta ássangieddi lea Leammi álbmotmeahci okta divraseamos árbevierroduovdagiin. Ássangietti barta lea huksejuvvon 1900-logu álggogeahčen ja dat doaibmá dán áigge ávdinstohpun.
Matti Musta barta lea Leammi álbmotmeahci nuortadavveráji lahkosiin, Bajimuš Lákkojávrri nuortalulábeale gáttis. Matti Musta ássangieddi lea muorain ja miestagiin njáskojuvvon goike niitu, mii bisui rabasin guođoheami, láddjema ja duolbmama dihte. Smávva barta lea huksejuvvon jagiid 1903-1905, ja das ásai Matti Musta bearrašiinnis birra jagi gitta jahkái 1917. Ássangiettis ledje duon áigge maiddái áiti ja návet, muhto dat leat jávkan jagiid mielde. Maŋŋelis báiki doaimmai Musta bearraša guolástandoarjjabáikin.
Matti Musta ássangieddi laktojuvvui Leammi álbmotmeahccái 1981:s. Meahciráđđehus ordnii bartta ávdinstohpun 1994:s. Ordnenbarggut dahkkojuvvojedje Matti Musta bártni rávvagiid mielde, ja ná barta álgoálgosaš bajiloaidnu seaillui. Šilljobiras lea láddjejuvvon jagi 1997 rájes, ja dan ravddain leat njáskojuvvon eret soagit ja miestagat ássangietti rabasvuođa seailluhan dihte. Vánddardeaddjiid johtaleami dihte šillju bissu rabasin.
Rabasáiggit
- Matti Musta barta dálá ávdinstohpun lea álo rabas ja vistái sáhttá oahpásmuvvat nuvttá.
- Čuozáhagas ii leat bargoveahka.
Oktavuohtadieđut
- Lassedieđuid čuozáhagas oažžu Leammi luonddustobus ja Davvi-Sámi luondduguovddážis Siiddas.
Johtinoktavuođat
Biillain
- Lagamussii Matti Musta ássangietti beassá Anár - Áŋŋel -geainnus (nr 9553). Sullii 24 km:a duohken Anáris jorggiha Báđárjávrri guvlui Báđárskáidi -nammasaš meahccebiilageaidnu, ja dán geaidnoguoras šaddá joatkit mátkki vácci stobu lusa. Ássangieddái lea geaidnoguras sullii golbma kilomehtera. Johtolat ii leat merkejuvvon meahccái.
Almmolaš fievrruiguin
- Matti Musta ássangieddái eai leat almmolaš johtinoktavuođat.
Elektrovnnalaš kárttat
- Meahciráđđehusa Retkikartta.fi (suomagillii)
- Leammi álbmotmeahci kárta
Bálvalusat
- Matti Musta ássangieddái sáhttá ieš oahpásmuvvat. Ii leat oahpistanbargoveahka.
- Matti Musta barta bálvala vánddardeaddjiid ávdinstohpun.
- Ássangiettis lea dolastallanbáiki, muorravisti ja goikehivsset.
- Bajimuš Lákkojávrris sáhttá guolástit Leammi álbmotmeahci lustabivdolobiin nr 1562 (www.eräluvat.fi, suomagillii).
Lihkadanlápmásiid bálvalusat
- Ávdinstobus eai leat bálvalusat lihkadanlápmásiidda.