Anára girkosiidda lagašguovlluin leat golbma meahccečuoiganláhtu, maid mielde beassá oahpásmuvvat máŋggabealat duovdagiidda. Go čuoigá Juvdujoga bajás, de beassá návddašit johgátti luonddus, viiddis Anárjávrri fas oaidná, go goargŋu Otsamo-duoddara ala ja čuoiganláhttu Bielbajávrri girku lusa fas oahpásmahttá nu jávrri alde čuoigamii, go Anára beahcevuvddiidage.
Meahccečuoiganláhtuid fuolahit juohke vahkus guovvamánu 16. beavvi rájes. Vuossárggaid vudjet Juvdujoga láhtu gitta Njoammelguoikka lávu lusa, gaskavahkuid fas vudjet Otsamo-duoddara meahccečuoiganláhtu ja bearjadaga rahppojuvvo láhttu Bielbajávrri girku lusa. Čuoiganláhtuid fuolahit ovttasráđiid Anára fitnodagat ja Meahciráđđehusa luonddubálvalusa bargit. Čuoiganláhtuid dollet rabas cuoŋománu rádjái, jus muohtadilli lea buorre.
Anár girkosiidda muohtagámamáđija lea maid merkejuvvon ja rabas vánddardeaddjiide. Muohtagámamáđija lea sullii 1,3 kilomehtera guhkki ja dat johtá Anárjávrri gáddeguora Juvdujohnjálmmis. Muohtagámamáđija vuolggabáikkit leat Siidda ja Hotealla Kultahovi šiljus. Siidda olgomuseas mearkkat nohket, muhto olgomusea johtolagaid ja galbbaid čuovodettiin beassá Sámemusea ja Davvi-Sámi luondduguovddáža Siidda šilljui. Muohtagápmagiiguin jođedettiin beassá oahpásmuvvat muohttagii maid earáláhkai. Máđija alde leat gávcci dieđihandávvala, mat muitalit muohttagis.
Áigeguovdilis dieđu Anára vánddardanguovllu bálgáin ja johtolagain oažžu Badje-Sámi luondduguovddáš Siiddas. Luondduguovddážis sáhttá maid oastit Inarin retkireitit -gártta 4 euroin. Juohke bálgás ja johtolagas lea čállojuvvon govvádus, čállosiid gávnnat gártasiiddu nuppi bealde.
Lassedieđut:
- Davvi-Sámi luondduguovddáš, siida(a)metsa.fi, 0205 64 7740