Jeagelveaji boares sámedállu Deatnogáttis, Ohcejoga ja Njuorggáma geainnu beallemuttus sirdašuvai Musealágádusas Meahciráđđehusa luonddubálvalusaid divššu vuollái. Gieldalaččat leat bures boahtán mielde hutkat jurdagiid Jeagelveaji boahttevuhtii. Meahciráđđehus ordne rabas háleštandilálašvuođa 22.1. diibmu 17.30 Ohcejoga gielddadálus, gosa buohkat leat bures boahtán hutkat jurdagiid historjjálaččat árvvolaš dálu boahttevuhtii.
Badjelaš jahki áigi Meahciráđđehusa luonddubálvalusaide sirdašuvve historjjálaš giddodagat, maid Musealágádus lei árabut dikšon. Lappi guovllus luonddubálvalusat dikšu earret eará Jeagelveaji árvvolaš sámedálu Ohcejogas. Luonddubálvalusat háliida gárgehit ohcejohkalaččaide oahpes ja dehálaš báikki ovttasbargguin gielddain, sámemuseain, Sámedikkiin ja báikkálaš olbmuiguin nu, ahte historjjálaš árvvut váldojuvvojit vuhtii. Plánenbarggus báikkálaš ássiid ideat ja oainnut leat divrasut go golli.
Riikkaviidosaččat árvvolaš Jeagelveadji
Riikkaviidosaččat árvvu dáfus mearkkašahtti Jeagelveaji báiki lea vuođđuduvvon 1860-logus. Ássangieddi lea fiinna ovdamearka sámedálus, man ealáhusa vuođđun leat johkaguollebivdu ja eanadoallu. Giettis leat máŋggat dimbbar- ja darferáhkadusat, ja ássangieddi lea maiddái árvvolaš árbeduovdda. Meahciráđđehus álggahii ráhkadusaid divvunbargguid mannan gease, ja bargu joatkašuvvá dán jagi.
Jeagelveadjái, mii lea fiinna báikkis Deatnogáttis, lea álki boahtit, go Ohcejohka-Njuorggán geaidnu johtá dan báldda. Hárvenaš, čoavddis ollisvuohtan seilon čáppa ássangieddi lea okta Ohcejoga fiidnásamos historjjálaš oainnus.
Dál álggahit jeagelveaji báikki doaimma plánema. Ideaid ja jurdagiid sávvat maiddái Meahciráđđehusa olggobealde, ja danin buohkat leat bures boahtán Ohcejoga gieldda stivrasálii 22.1. diibmu 17.30 gullat báikki ja muitalit jurdagiid báikki boahttevaš geavaheamis.
Lassidieđut álbmotdilálašvuođas
- Plánejeaddji Aino von Boehm, telefon 040 7634318, šleađgapoasta aino.vonboehm(at)metsa.fi
Jeagelveaji báikkis
- Dieđiheaddji Pirjo Rautiainen, telefon 040 5081673, šleađgapoasta pirjo.rautiainen(at)metsa.fi
- Álbmotmeahccehoavda Pirjo Seurujärvi, telefon 0400 125782, šleađgapoasta pirjo.seurujarvi(at)metsa.fi
- Prošaktaoaivámuš Henrik Jansson, telefon 0400 328 759, šleađgapoasta henrik.jansson(at)metsa.fi