Njuohttejoga meahcceoasi ja Giemajoga-Soabbada meahcceoasi oaidnámušat

Njuohttejoga meahcceoassi

Njuohttejoga ávži

UK-álbmotmeahci nuortalulágeahčen lea Njuohttejoga ávži, man gaskka Njuohttejohka mohkohallá. Ávžái beassá oahpásmuvvat Njuohttejoga vánddardanjohtolaga mielde.

Giemajoga-Soabbada meahcceoassi

Bealljeduottar

Bealljeduottar várra dovdojuvvo vuosttažettiin juovlastálu ruovttubáikin! Dat lea áibbas riikka nuorttageahčen dasttán Ruošša rájis. Bealljeduottar lea ártegislágan golmmačohkat báktehivvodat. Duottaralážiin lea hui čielga hápmi ja dat sulastahttet beljiid, maid mielde duoddarii lea várra navdojuvvon diekkár namma. Bealljeduottar lea riikkaráji lahkosiin rádjeavádagas, ja nuba dohko ii beasa iehčanassii mannat. Lagas Korvatunturinmurustas gal beassá fitnat vánddardanjohtolaga mielde ja dakko sáhttá hervvošit ieš Bealljeduoddara.