Oahpeaheddjiide

Pyhä-Luosto luondduguovddáš Naava fállá vásáhusaid ja luonddudieđuid buot ahkásaččaide. Áibbas Pyhä-Luostoá álbmotmeahci ja guovllu bálvalusaid lahka leahkki Naava lea maid lunddolaš luonddutuvrra álgin- ja bisánanbáiki.

Luondduoahpisteamit

• Luondduguovddáža čájáhus lea nuvttá, muhto joavkkut sáhttet oahpásnuvvat dasa maiddái ovddalgihtii várrejuvvon oahpistuvvon birraváziimiin. Loga lasi.
• Oahpisteaddji jođihemiin oažžu maid luonddutuvrrain eambbo! Oahpisteaddji vuolgá skuvlajoavkuid mielde meahccái jus ovddalgihtii lea nu sohppon. Gažaldagat ja várremat Pyhä-Luosto luondduguovddáš Naava áššehasbálvalusas telefovnna bokte +358 205 64 7302 dahje šleađgapoasttain pyhaluosto(at)metsa.fi.
• Oahpistuvvon tuvrra meahccái sáhttá várret maid min ovttasbargofitnodatdolliin.

Tuvracavgileamit

Luondduguovddážis lea álki vuolgit álbmotmeahccái beaivemohkkái lahká:

• Viiddis duoddariid luonddubálggis (s. 6 km) manná birra jeakki ja heive maid unna luonddu- dahje loddemátkkážii. Bálgá lea álki johtit, njuoska sajiide leat biddjon fiellut ja ceakkos báikkiin leat trahppat. Bálgá guoras leat oahpistantávvalat guovllu luonddu birra ja loddedoardna. Tiaislaavus lea vejolašvuohta dolastallat ja návddašit nisttiid.

• Karhunjuomalampi johtolat (n. 10 km) manna birra molsašuddi duottar- ja meahcceguovllus ja heive vehaš boarráseabbo skuvllalaččaide. Dát geinnodat fállá fiinna lášmohallanvásáhusa ja dat johtá čađa jiehtanas Isokuru ja galledallá sápmelaččaid bassi báikkiin. Bottu sáhttá doallat Isokuru goađis ja Karhunjuomalampi beaivestobus.

Loga lasi Pyhä-Luosto álbmotmeahci luonddubálgáin ja johtolagain.

Boradeapmi

Pyhä-Luosto luondduguovddáš Naava robi vuolde gávdno maid Café Loimu, gos sáhttá borrat beaivemállása dahje njielastit niestebihttá juohke beaivve. Joavkkuid gánneha almmuhit iežaset boahtimis ja sierraborramušgáibádusain. Soahpamuša vuođul ordnašuvvet maid vaikke tuvraniesttit meahccái.

Lanjat ja rusttegat

Luondduguovddáža čoahkkinlanjat ja auditoria leat várremis joavkkuid atnui.