Oulanka oaidnámušat
Boađe vásihit Oulanka álbmotmeahci oaidnámušaid: vácce heaŋggošaldi mielde, gula guoikkaid borššu ja oainne erenoamáš duovdagiid. Eanemusat oaidnámušat leat muhtun kilomehtera vázzin- dahje meallunmátkki geahčen. Álkimusat juvssat Kiutaköngäs guoikka, mii lea sullii ovtta kilomehtera geahčen lagamus parkerensajis.
Vuodjinrávvagiid oaidnámušaide gávnnat Kártat ja johtolatoktavuođat-siddus.
Álbmotmeahci davvioassi
Rupakivi lea 5 mehter allosaš hellogeađgi guovdu Savinajoga. Geađgge lusa lea 4 kilomehtera mátki Savilampi parkerensajis. Guhkeslágan vázzinmátki ja geinnodaga allodaterohusaid dihte báikái lea váttis olahit.
Oulanka skurču lea heaŋkkobákti, mii lea sullii 2 km:a geahčen Savilampi parkerensajis. Báikái lea viehka álki olahit.
Ristikallio lea válljugas báktejoavku Aventojogas. Beasat Ristikallioi vázzimin Ristikallio parkerensajis Karhunkierros-geinnodaga mielde 5 kilomehter mátki. Báikái lea viehka álki olahit.
Taivalköngäs lea guovtti fávlli geađgás guoika Oulankajogas. Beasat Taivalkönkääi juogo johtimin Oulanka álbmotmeahci gohttenbáikkis Karhunkierros-geinnodaga mielde 8 kilomehter dávás dahje 9 kilomehter geinnodaga mielde Sallageainnu vuolginbáikkis (ng. Ristikallio parkerensadji). Báikái lea viehka váttis olahit.
Kiutaköngäs lea 325 mehter guhkkosaš guoika, mii lea kilomehtera geahčen Oulanka luondduguovddážis. Báikái lea viehka álki olahit.
Álbmotmeahci máttágeahči
Niskaguoika lea ráfálaččat golgi guoika Kitkajogas. Guoika lea 200 mehter geahčen Juuma parkerensajis, ja dan rastá lea heaŋggošaldi. Báikái lea álki olahit.
Jyrävä lea Kitkajogas boršu luondduviđáguoika, man goržži allodat lea 9 mehter. Dat lea álbmotmeahci máttageažes Unna Karhunkierros –geinnodaga guoras, 3,5 kilomehter Juuma parkerensajis. Báikái lea eatnama allodaterohusaid dihte váigat olahit.
Kallioportti lea oaidnámušduolbadas Unna Karhunkierros –geinnodaga guoras. Duolbadasas sáhtát ovddošit mohkkás Kitkajoga bajabeallai rahpašuvvi oidnosa. Kallioporttii lea 4 kilomehter mátki Juuma parkerensajis. Báikái lea eatnama stuorra allodaterohusaid geažil váttis olahit.
Ovcci heaŋggošaldi dolvot johtti Oulankajoga ja Kitkajoga rastá. Heaŋggošaldit leat Maaninkajoga siste, Oulankajogas Savilampi ávdinstobu luhtte, Taivalkönkääs (golbma šaldi), Niskaguoikkas, Myllyguoikkas ja Harrisávvonis. Davvi-Oulankas Koutajoga heaŋggošaldi lea šalddiin ođđasamos. Dat váldui atnui geassemánus 2012.
