Raappana gámme
Lappi, Nuorta-Lappi
Soađegilli (www.sodankyla.fi)
UK-álbmotmeahcci
Čuozáhaga dikšu Meahciráđđehus.
Raappana gámme lea uhca, muhtumassii eatnan sisa huksejuvvon dovdduidečuohcci gámme UK-álbmotmeahci váimmusoasis Luirujávrri nuorttabeale gáttis. Lagamus várren- ja ávdinstobut leat moatte kilomehtera duohken. Logiid jagiid mielde Raappana gámmes leat idjadan ollu johttit. Dat ii leat hirbmat buorre ortnegis ja doaibmá dál rabas gámmen.
Raappana gámme
Áŋgiris meahccejohtti Aaro Raappana, Soađegili ovddeš leansmánni, huksii gámme alccesis doarjjabáikin Koilliskairai buiga meahccái. Gámme lea meahccás Luirujávrri ja smávit Raappanalampi gaskasaš muotkkis Luirujávrri nuorttabealde. Guovllu alimus duottarčohka Sokosti (717 m) alážii lea gámme luhtte njuolgga 4 km. Raappana gámme lea Suomas vuosttas gámme, mii lea huksejuvvon aivve vánddardan- ja lustageavahanatnui. UK-álbmotmeahci vuođđudeami maŋŋá dat huksejuvvui ođđasit boares huksenvuogi mielde 1984:s. Jagi 2000 rádjai Raappana gámme lei guovtteolbmo várrengámme. Dan maŋŋá dat lea doaibman rabas gámmen vánddardeaddjiide.
- Loga lasi Raappana gámmes
Rabasáiggit
- Raappana gámme lea rabas birra jagi.
Oktavuođadieđut
Lassedieđuid gámmes oažžu:
Johtinoktavuođat ja kárttat
Biillain
- Raappana gámme lusa ii beasa biillain, ja vánddardeami guđege álggahansajis gámme lusa leat miilaviissat. Vánddardeami álggahansajiin Kiilopää ja Suoločielgi leat dasttán E75-geainnu lahkosis. Aittajávrái, Ráji-Jovssepii, Kemihaarai, ja Tulppioi beassá álkimusat iežas biillain. Vuodjinrávvagat vuolginsajiide, gč. UK-álbmotmeahci siidduin kárttat ja johtinoktavuođat -siidui
- Aittajávrris Raappana gámme lusa lea vácci sullii 20 km. Geaidnu ii bajásdollo dálvit. Álgogeasis gánnáha geainnu ortnega álo gulaskuddat Koilliskaira luondduguovddážis dahje Suoločielggi bálvalanbáiki Kiehinenis.
- Ráji-Jovssepa vuolginsajis Lohtu šalddi luhtte lea Raappana gámme lusa sullii 45 km dan mielde, guđe johtolaga mielde johtá.
- Tulppios Raappanan gámme lusa lea sullii 80 km dan mielde, guđe johtolaga mielde johtá.
- Kemihaara vuolginsajis Raappana gámme lusa lea sullii 60 km dan mielde, guđe johtolaga mielde johtá.
- Vuodjinráva Suoločielggi bálvalanbáiki Kiehinenii
- Vuodjinráva Koilliskaira luondduguovddážii
- Vuodjinráva Suovvaguoikka oahpistanguovddáš Bealljeduoddarii
Almmolaš johtinoktavuođat
- Roavvenjárggas johtet Avvilii váldogeainnu nr 4 (E 75) mielde moanat beaivválaš linnjabiilaruvttot, maiguin beassá álbmotmeahccái (linnjabiillat: Roavvenjárga - Soađegilli - Vuohčču - Tankavaara - Kakslauttanen (Kiilopää) - Suoločielgi - Avvil). Áigedávvalat gávdnojit Matkahuolto (matkahuolto.fi, suomagillii) neahttasiidduin. Linnjabiillat leat joatkkaoktavuođat Roavvenjárgii boahtti togain (www.vr.fi, suomagillii) ja girdiin (www.finavia.fi, suomagillii).
- Avvilii (www.finavia.fi, suomagillii) boahtti girdiin lea linnjabiilaoktavuohta Suoločielgái ja Kiilopääi. Avvilis Ráji-Jovssepii johtá vuossárggaid, gaskavahkuid ja bearjadagaid linnjabiila.
- Giemajávrris lea árgabeivviid linnjabiilaoktavuohta Suovvaguikii ja das beassá poastadáksebiilla fárus Tulppioi. Tulppios lea álbmotmeahci ráji ala Njuohttejohráigge sullii 15 km. Suovvaguoika - Tulppio ossodagas berrojuvvo máksu linnjabiilatávstta mielde. Jos háliida sáhtu Kemihaarai (Tulppios 30 km), de šaddá máksit dáksebiilatávstta mielde.
Kárta
Elektrovnnalaš kárttat
- Meahciráđđehusa Retkikartta.fi (suomagillii)
- Eanamihtidandoaimmahaga kártabáiki (www.karttapaikka.fi)
Bálvalusat
- Gámme šilljobirrasis leat dolastallanbáiki, muorravistti ja goikehivsset.