Darvvátvári rávvagat ja njuolggadusat

Rávvagat Darvvátváris johtaleapmai

  • Juohkeolbmovuoigatvuođat (www.ymparisto.fi, suomagillii) leat fámus Darvvátvári meahcceguovllus.
  • Meahcceguvlui sáhttá dahkat dola almma sierra lobiid haga, muhto boaldinmuorran galgá atnit dušše rissiid ja ovssiid. Doppe gos lea unnán muorra, ii ávžžuhuvvo dolastit. Jus geavaha unnaárvosaš muoraid, de dat maid álo gáibida ahte lea oastán eananmuorralobi ja muoraid njeaidin lea eandalii gildojuvvon. Geavat boares dolastallansajiid jus dakkárat leat. Meahccebuollinváruhusa áigge ii oaččo dolastit, lassidieđut.
  • Guovllu ávdin- ja várrenstobuide oažžu buktit ruoktoelliid juos dat heive maiddái earaide stobus.

Ovddalgihtii ráhkkaneapmi

Mátketelefovnnaid gullon

  • Vaikko Suoma mátkekommunikašuvdnafierpmit leat gokčevaččat, de Darvvátvári meahcceguovllus sáhttet leat itkoguovllut eandalii duoddariid gaskasaš gurain. Dárkkis mátkekommunikašuvdnafierpmi gokčevašvuođa iežat telefunoperáhtoris. Dasa lassin leat báikkit, gos mátketelefuvdna ii doaimma dehe telefuvnnain leat hehttehusat. Dalle gánnáha omd. mannat allelažžii, jalges sadjái ja/dahje váldit telefovnna SIM-goartta eret heahteriŋgema boddii. Gánnáha maid váldit vuhtii, ahte sierralágán mátketelefuvnnaid gaskkas leat gullonerohusat.

Biergasat

  • Go vánddarda Darvvátvári meahcceguovllus, de mielde galggašii váldit aŋkke gártta, kompássa ja áššálaš gohttenbiergasiid. Muitte, ahte duottariin dálki sáhttá rievdat fáhkkestaga ja geassetnai sáhttá muohttit.
  • Meahcceguovllus vánddardeapmi lea gáibideaddji go vánddardeapmi merkejuvvon geinnodagain, danin doppe vánddardettiin dárbbaša vánddardanhárjáneami.
  • Dieđut melodeami dorvvolašvuođas ja dárbbašlaš biergasiin: Turvallista melontaa (www.melontajasoutuliitto.fi, suomagillii) ja Melontaopas (www.melonta.wasalab.com, suomagillii).  

Sesoŋŋaáiggit

  • Bivnnuheamos vánddardanáigi lea giđđat ja geasset, geassemánus čakčamánnui, muhto dán guovllus eai leat goassege beare ollu olbmot vánddardeame oktanaga.