Anára vánddardanguovllu rávvagat ja njuolggadusat

Rávvagat Anára vánddardanguovllus johtaleapmái

oažžu
- johtit ja gohttet juohkeolbmovuoigatvuođain (www.ymparisto.fi, suomagillii) earret sierraguovlluid (Hávdeeanasullot). Gánnáha vejolašvuođaid mielde gohttet tealttástallamii várrejuvvon sajiide.
- čoaggit murjjid ja guobbariid.
lea ráddjejuvvon
- dolastallan, mii lea lobálaš dušše dan várás oaivvilduvvon báikkiin.
ii oaččo
- Hávdeeanasulluin: gohttet ja dolastallat.
- dolastallat meahccebuollinváruhusa áigge.
- doallat biebmoealliid luođuid.
- vuodjit mohtorfievrruiguin eará sajis go dan várás oaivvilduvvon geainnuid mielde.
- ludnet dahje vahágahttit ráhkadusaid. Loga lasi birrasa seasti vánddardeamis.

Vaikko Suoma mátketelefonfierpmit gokčet viidát riikka, de sáhttet Anára vánddardanguovllus leat dakkár sajit, main telefovdna ii gullo. Dárkkis mátketelefonfierpmi gullonguovlluid iežat mátketelefonoperáhtoris. Dasa lassin álo gávdnojit báikkit, main mátketelefovdna ii gullo dahje gullo funet. Dalle gánnáha omd. mannat allelažžii, jalges sadjái ja/dahje váldit telefovnna SIM-goartta eret heahteriŋgema boddii. Gánnáha maiddái váldit vuhtii ahte sierralágan mátketelefovnnaid gaskkas leat gullonearut.

Anárjávrris leat fávlemerkemat, maid gánnáha váldit vuhtii, dasgo jávrris leat ollu gárgot.
Geađgás gáttiin leat váttis gávdnat luondduhámmaniid.
Anárjávrri alde sáhttá leat dál vuodjagoalki ja fargga juo garra dálki. Menddo heajos fatnasiiguin ii gánnát vuolgit Anárjávrri stuorra ábiid ala.