Sávdneguoika, láigostohpu

Njávdánjoga máttagáttis njoaiddo soahkevuovdevielttis hirsastohpu lea luossabivdiid doaivvačuozáhat. Njávdánjoga Sávdneguoika lea erenoamáš luossabivdinbáiki.

Tiipa ja sturrodat

Láigostohpu, 6 olbmo ja 20 m2, sávdni lea sierra.

Sajádat

Davvi-Lappi, Anára gielda, Galddoaivvi meahcceguovlu, Čeavetjávrri-Njávdáma guovlu.

Geassit: Geassegeinnodat lea merkejuvvon oránša málamearkkaiguin muoraide ja geđggiide. Geinnodat vuolgá Njoammilguoikka P-sajis Čeavetjávrri bára luoddaearus s. 10,4 km Njávdáma guvlui. P-sadji lea geainnu gurut bealde Čeavetjávrris boađedettiin. Vázzinmátki stobo lusa lea s. 7 km. Sávdneguoikka stohpui johtto seamma bálgá mielde go Kuosnijoga stohpuige. Bálggis lea báikkuid geađgái ja losimus vustolagat leat Njoammiloaivvi ala ja Boaresvárrái (Vanhavaara). Lahka Njávdánjoga bálgát earránit stobuide; Sávdneguoikka stohpui jorgaluvvo badjerávnnji guvlui máttaviestarii ja Kuosnijohkii jorgaluvvo vulos nuortasdavás. Fuomáš bálgáid earráneami! Njávdánjoga guorra lea dulbes eana.

Dálvit: Geinnodat lea merkejuvvon alit mearkkaiguin sihke mohtorgielkámáđii mearkkat: Čeavetjávrri girkosiiddas 13,5 km Njávdama guvlui, Njoammiljávrri gáddái. Geainnu gurut bealde lea parkerensadji, gos beassá mohtorgielkámáđii ala. Reahkejávrri davágáttis earrána merkejuvvon dálvegeinnodat stobo lusa, gosa lea mátki s. 10 km.

Lagamus geassestohporánnjái 3 km.

Stobu koordináhtat WGS84 lat: 69.63551 lon: 28.73339. Lagamus gilli lea Čeavetjávri ja Njávdama gilli 25km, gos lea boaldámušstášuvdna ja gávpi. Avvil-Njávdan eatnangeainnus linjabiilaoktavuohta (árgabeivviid).
Gárttat Retkikartta.fi
Čeavetjávri-Njávdám olgolihkadangárta 1:100 000, Inarin osoite- ja virkistyskartta (Anára čujuhus- ja lustajohttingárta) 1:150 000
Duovddakárta nr X513, 1:50 000.

Haddi

80 € / jándor dahje 480 € / vahkku, mihcamárat 320 € (du-so).
Stohpu várremássii njukča-golggotmánus. Suoidne-golggotmánnui váldojuvvo beare lá-lá -vahkkuvárrehusaid. Válbora maŋŋá sáhttá dahkat várrehusaid maid ovttaskas beivviide suoidne-golggotmánnui.
Várrehusat Avvila Bálvalanbáikái (Ivalontie 10, 99800 Avvil (Anár), tel. 0205 64 7701) dahje Luondduguovddáš Siidii (Inarintie 46, 99870 Anár, tel. 0205 64 7740).
Čoavdagiid Čoavdagiid sáhttá viežžat Ivalo River Camping (Kerttuojantie 1, 99800 Avvil (Anár) tfn. 040-039 5046) dahje Avvila Bálvalanbáikkis dahje Luondduguovddáš Siiddas máksoguitte vuostá. Čoavdda máhcahuvvo seamma sadjái.

Biergasat

 Muorrauvdna liggen, gássauvdna, olgohivsset, čuovgan beaivvášseallačuovga (1.3.-31.10.) ja gintalat, juhkančáhci jogas, eanakeallir, olgodolasdallansadji ja suovastangássa. Fuom. Ii fanas.

Stobus leat bázahuslihtit. Loga lasi ruskkahis vánddardeamis.

Fuopmášumit

Stobus ii lea hivssebáhbir. Stohpui oažžu buktit ruoktoelliid. Mohtorgielkkáin vuodjin gáibida meahccejohtolatlobi. Lobi sáhttá skáhppot Luondduguovddáš Siiddas dahje Avvila bálvalansajis.
Fuom! skáhppo lobi maŋimustá vahku ovdal čuozáhatbáikái vuolgima.
Guolásteapmi
Njávdánjoga lobit leat dihtomearri.
Rávdnjebáikkiin guolástettiin galgá leat mákson stáhta guolástandikšunmáksu (www.mmm.fi, suomagillii) sihke virkistyskalastuslupa (www.eraluvat.fi, suomagillii). Fuomáš, ahte Njávdánjoga lobiin lea dihtomearri. Guolástanlobiid vuvdet Meahciráđđehusa áššehasbálvalansajiid lassin maiddái báikkálaš fitnodatolbmot.

Fuolahusas vástida

Meahciráđđehus, Lappi luonddubálvalusat.
Lassidieđut Luondduguovddáš Siida, tel. 0205 64 7740.

 

Várreneavttut