Silisjohka, láigostohpu

Njávdánjohka lea okta Suoma bivnnuheamos luossajogain. Eandalii dan gierragat leat maid erenoamáš soavvila guolástánguovllut. Joga meacceláganvuohta addá fiinna lassidovdamušaid luonddu gudnijahtti meahccevánddardeaddjái. Geainnus guhkkin duottarjogas oažžu guolástit ja vánddardit govttolaš ráfis. Silisjoga stohpu lea Opukasjávrri gáttis, Silisjoga njálmmis. Ráfálaš mielladili, áiggi buoridan hirsastobu lassin gáttis lea saddjás sávdni.

Tiipa ja sturrodat

Láigostohpu, 8 olbmo ja 20 m2. Sávdnevisti lea sierra, gos sáhttet ijastallat 1-2 olbmo. Lassin ng. oahpisteaddjiid barta, gosa šihttet 2 olbmo.

  

Sajádat

Davvi-Lappi, Anára gielda, Galddoaivvi meahcceguovlu, Čeavetjávrri-Njávdáma guovlu ja Čeavetjávri-Buolbmát -johtolat.

Geassit: Čeavetjávrrri gilli ja doppe s. 1 km Njávdama guvlui, gos geaidnu gurutbeallai "Vuoskojávrái". Vuddjo Boalbmátjávrri bálgá vuolginsadjái, gos lea stobu lusa s. 10 km mátki. Čeavetjávrri gilis vácci mátki gártá stohpui s. 14 km. Dábálamos fievru lea duottargirdin báldalas Opukasjávrái, gos vázzinmátki stohpui gártá s. 1,7 km. Stobo luhtte fatnasiin s. 1,2 km.

Stobu koordináhtat WGS84 lat: 69.60279 lon: 28.42353.
Lagamus geassestohporánnjái 200 m.

Lagamus gilli lea Čeavetjávri 14 km, gos lea gávpi. Avvil-Njávdan eatnangeainnus linjabiilaoktavuohta (árgabeivviid).
Gárttat Retkikartta.fi
Čeavetjávri-Njávdám olgolihkadangárta 1:100 000, Inarin osoite- ja virkistyskartta (Anára čujuhus- ja lustajohttingárta) 1:150 000
Duovddakárta nr X513, 1:50 000.

Haddi

150 € / jándor dahje 900 € / vahkku 1.4.–20.8.
100 € / jándor dahje 600 € / vahkku 21.8.–31.3. Mihcamárat 600 € (du-so).

Stohpu várremássii njukča-golggotmánus. Suoidne-golggotmánnui váldojuvvo beare lá-lá -vahkkuvárrehusaid. Válbora maŋŋá sáhttá dahkat várrehusaid maid ovttaskas beivviide suoidne-golggotmánnui.
Várrehusat Avvila Bálvalanbáikái (Ivalontie 10, 99800 Avvil (Anár), tel. 0205 64 7701) dahje Luondduguovddáš Siidii (Inarintie 46, 99870 Anár, tel. 0205 64 7740).
Čoavdagiid Čoavdagiid sáhttá viežžat Ivalo River Camping (Kerttuojantie 1, 99800 Avvil (Anár) tfn. 040-039 5046) dahje Avvila Bálvalanbáikkis dahje Luondduguovddáš Siiddas máksoguitte vuostá. Čoavdda máhcahuvvo seamma sadjái.

Biergasat

 Váldostobus lea sadji 8 olbmui, 3 geardeseaŋgga, seaŋgasoffá ja mátkeseaŋga. Gassáuvdna, mas lea uvdna, uvdna, muorrauvdna, vuoššannurki. Juhkančáhci jogas.
Gáddesávdni, mas saddjás sávdni ja sávdnegámmár. Sávdnegámmáris muorraseaŋga, man sáhttá lebbet 1-2 olbmui. Muorrauvdna.
Oahpsiteaddjiid barta (ovddeš sávdni) geardeseaŋga 2 olbmui. Muorrauvdna.
Eará biergasat: fanas sihke kanohta, fanasliivvat leat oahpisteaddjiid bartas. Aggregahttaelerávdnji, muorraliggen, olgohivsset, ođđa eanageallir, dollasadji. Boaldámuš aggregahttii.
Stobus leat bázahuslihtit. Loga lasi ruskkahis vánddardeamis.

Fuopmášumit

Stobus ii lea hivssebáhbir. Stohpui oažžu buktit ruoktoelliid.
Fatnasiin jođedettiin galgá leat erenoamáš várrugas ja galgá vuodjit unna leavttuin, daningo sihke Silisjogas ja Opukasjávrris leat geađggit ja coagessajit.
Dálvit stobo lusa beassá gielkámáđii mielde. Juos mohkkasat gielkáin máđiin dálveoaggunjávrái dárbbašat dasa lassin meahccejohtaluslobi. Lobiid sáhttá diđoštallat nummiris 0205 64 7701.

Guolástus: Njávdánjogas lea guolástanlobiin dihtomearri.
Buoremus guolástanbáiki soavviliid bivdiide lea Opukasjávrri bajábealde, dušše vuoggaguolásteapmai basuhuvvon Njávdánjohka. Dat lea stuorrasoavviliid váldegoddi, muhto luossage goargŋu álo Vuontisluobbala rádjai. Luossaguolásteaddjiid gánniha mannat Opukasjávrri vuolleoassái Njávdánjoga. Dát s. 7 kilomehtera guhkkosaš guoikaossodat álo Ađabáistinluobbla rádjai lea ollásit erenoamaš luossabivdinguovlu.
Opukasjávrri vuolabeale Njášvdánjoga lohpeguolástanguovlu ii álgge oivoša vuosttas lusmmis muhto das s. 750 mehtera joga vulos Opukasgeavgŋá bajábealde. Lohpeguolástanguovllu álgingalba čujuha dárkkes saji. Opukasjávrri vuolábeallai Njávdánjohkii beassá fatnasiin Opukasjávrri davágeahčái. Fatnasiin mátki gártá s. 4 km. Seammás sáhtát oaggut Opukasjávrris. Silisjogas Njávdánjoga lobiin sáhttá guolástit Opukasjávrri ja Puaskijoga njálmmi gaskkas.
Silisjogas gávnnat giđđat maid fiinna dálveoaggunsajiid.

Rávdnjebáikkiin guolástettiin galgá leat mákson stáhta guolástandikšunmáksu (www.mmm.fi, suomagillii) sihke virkistyskalastuslupa (www.eräluvat.fi, suomagillii). Guolástanlobiid vuvdet Meahciráđđehusa áššehasbálvalansajiid lassin maiddái báikkálaš fitnodatolbmot.

Fuolahusas vástida

Meahciráđđehus, Lappi luonddubálvalusat.
Lassidieđut Luondduguovddáš Siida, tel. 0205 64 7740.

 

Várreneavttut