Skábma, man dovdet poláraidjan lea álgán davimus Sámis Njuorggámis. Dat bistá čuovvovaš guokte mánu. Gulul skábmarádjá sirdašuvvá máddelii, dassái go dat olle Poláragierddu rádjai, dálvejorggáldaga juovlamánus, iige šat mana máddelii. Skábma ii doppe oidno dievaslažžan go oassi beaivvážis báhcá oidnosii albmeravdda bajábeallái. Dievaslaš skábma rádjá lea vehá Soađegili máttabealde. Doppe dat bistá njeallje beaivvi ovdal juovllaid.
Maiddái máddin ja oaivegávpotguovllus skábma vásiheapmi lea duođalaš. Duollet dálle vielgadin nuppástuvvi eana, ja juobe bissovaš muohta geahppuda skábmaáiggi seavdnjadasa. Seavdnjadeamos jándora áigge beaivvi guhkkodat lea vuollel guhtta diimmu.
Skábmaáigi luonddus lea jaskes eallima áigi. Jo dál assás muohta lasiha vejolašvuođaid luonddus ceavzimii. Dat addá suoji smávva ciehpamiidda ja vel vehá gasodettiin maiddái buori suoji eanalottiide. Stuorát ealliiguin lea vel álki johtit. Go muohta gassu, maiddái sin johtin geahppána. Buot energiija geavahuvvo biepmu ohcamii.
Skábmaáigge eallit guovtti seavdnjadasa gaskkas. Sevdnjes áiggiid gaska lea dievva alit seađi ja čuovgga, mii šlietnju muohttagis. Sevdnjes áigige ii leat seavdnjat muhto idjaalmmis addet čuovgga guovssahasat ja násttit. Skábma sámis lea millii čuohcci ja juobe eahpeduođalaš vásáhus, Dan gánneha ainjuo oktii eallimisttis vásihit.
