Soabbada luonddumeahcci

Nuorta-Lappi
Soađegilli (www.sodankyla.fi)
Viidodat 179 km², vuođđuduvvon 1956
Guovllu dikšu Meahciráđđehus.

Soabbada luonddumeahcci lea UK-álbmotmeahci bálddas, ja dainna geahččalit vuosttažettiin seailluhit meahcce-, duottar- ja jeaggeluonddu boahtteáiggi várás ja dieđalaš dutkama dárbbuide. Luonddumeahcci lea navdojuvvon boares Soabbada sámesiidda mielde. Boazodoallu lea guovllu okta vuođđoealáhusain ja dainna bargan gullá mávssolaš oassin maiddái luonddumeahci duovddagovvii. Vánddardeaddjái Soabbada luonddumeahcci fállá áidnalunddot luondovásáhusaid.

Luonddumeahci váibmosis leat Náttašduoddara čohka duottaralážat. Duottarguovllu lulábealde lea Soabbatjávri ja dan davábealde UK-álbmotmeahci viiddis duottarguovlu. Soabbada luonddumeahci merkejuvvon johtolagaid mielde sáhttá dahkat miellagiddevaš beaivevánddardeami dahje dákkár vánddardeami sáhttá laktit oassin guhkit vánddardeapmái.

Soabbada luonddumeahcci laktása čavgadit UK-álbmotmeahccái, ja nuba álbmotmeahci dikšuma ja geavaheami plánen lea váikkuhan maiddái luonddumeahci johtolagaid, dolastallanbáikkiid ja eará bálvalanrusttegiid sajáiduhttimii. Soabbada luonddumeahci ortnetnjuolggadusa mielde luonddumeahcis lea lohpi johtalit birra jagi dušše meahccái merkejuvvon johtolagaid mielde. Gohttet oažžu dušše Soabbatjávrri gáttis.

Dán siiddu čujuhus lea www.lundui.fi/soabbadaluonddumeahcci